Qədir-xum iradəvi sevincin yaşantısı olan gündür
Bayram günü gərək insan bayramın nə olduğu barədə də
düşünsün. Bayram o gündür ki, insan həmin gün Allaha bəndə
ola bilir. Bayram o gündür ki, biz həmin gün Allahın bəyəndiyi
kimi yaşaya bilirik, Allahın çəkindirdiklərindən çəkinirik. Buna görə
insan öz həyatında Rəbbindən bol-bol bayram günləri istəməlidir.
Qədir-Xum bayramı da elə bir gündür ki, onun bir neçə gün
ərzində qeyd olunmasına ehtiyac var. Bu günün içərisində o
qədər fəlsəfələr, gözəlliklər var ki, onların açılışı üçün daha çox
vaxta ehtiyac var. Bircə bunu demək kifayətdir ki, Qədir-Xum elə
bir bayramdır ki, Rəbbimiz həmin gündə sevinməyi və
sevindirməyi bizlərə bir insani keyfiyyət olaraq tövsiyyə etmişdir.
Necə ki, Aşura günündə iradəvi qəmlənmə, İmam Hüseynin (ə)
mübarək şəhadəti ilə bağlı iradəvi kədər hissini yaşayıb və
yaşatmaq bizlərə bir həyat proqramı kimi təqdim olunub, QədirXum
günündə də iradəvi şadlanma və iradəvi sevinci yaşayıb və
yaşatmaq lazımdır. Gərək bizim sevinc və kədərimiz Allaha görə
olsun ki, öz bəndeçilik missiyamızı yerinə yetirmiş sayılaq.
Kitabın adı: Qədir-xum ilə tanışlıq
Müəllif: Hacı Əhliman Rüstəmov