Bir gün qəfil əcəl alsa canımı,
Demək qismət budur ağlama ana.
Sevgi olan yerdə ayrılıqda var
Olana çarə yox ağlama ana..
Anayam yenə möhtacam anaya,
Özüm səni görür baxsam hayana.
Qəlbim qaya deyil möhkəm dayana
Bəxtimi qınama ağlama ana.
Mən qərib dünyanın qərin qızıyam,
Qismətim nədisə ondan razıyam.
Simləri inləyən könül saziyam,
Sızlaya-sızlaya ağlama ana.
Arzu istəyimin sonu bilinməz,
Tanrının yazısı haqqdır silinməz.
Bəxtim elə susub bir daha dinməz
Boylana boylana ağlama ana.
Səndə şahidimsən xoş gün görmədim,
Səadətin dadı nədir bilmədim.
Belə boyun büküb ağlama ana
Tanri çəkənlərə göndərər dərdi..
Kiminə yedirər şəkəri qəndi.
Mənə isə acı həsrəti verdi
Taparam çarəsini aglama ana...