Dua eləyəndə Ağam ağlama,
Səni günahımla çox ağlatmışam
Sənin ayağının suyuna qurban,
O suyla dəstəmaz ala biləydim.
Etdiyim səhvlərə, günahlarıma,
Əlvida namazı qıla biləydim.
Səni gözləyirəm Ağam, ay Ağam.
Gəlib qapımızı döyərsən, Ağa.
Məhdinin adına ehsan var evdə,
Ondan da bir tikə yeyərsən, Ağa.
Sonra da əlini çəkib başıma,
Mənimçün bir dua Sən eləyərsən?!
Amma mən fasiqin çox çəkmə adın,
Susuz dodağını zədələyərsən.
Dua eləyəndə Ağam ağlama,
Səni günahımla çox ağlatmışam.
Günah qılıncımla "məni" qəlbindən
Doğraya doğraya kəsib atmişam.
Nə qədər desəm Ağam ağlama,
Sən axı Ağacan, ağlayacaqsan.
Mənimçün axan o göz yaşlarını
Mənimçün şəfaət saxlayacaqsan