Məhərrəm ayının 3-cü günü
1-Həzrət Məhəmmədin (s) insanları ilk dəfə beynəlxalq şəkildə
islama dəvət və çağırışı günü
2-Həzrət Hüseynin (s) Kufə camaatına məktubu
3-Ömər ibn Sədin qoşununun Kərbəla diyarına daxil olması
4-Kərbəla torpağının bir qisminin imam Hüseyn (ə) tərəfindən
alınması
1)Həzrət Məhəmmədin (s) islama dünyəvi çağırışı günü…
İslam, Mədinə və onun ətrafında bərqərar olduqdan sonra hicri
təqvimi ilə 7-ci il, məhərrəm ayının 3-ü, bütün dünyanı islamın
zühura gəlməsi xəbəri və dünyanı bu dinə dəvət etmək məqsədi ilə müxtəlif ölkələrin şah və imperatorlarına məktub göndərməklə onları
rəsmi olaraq bu dinə səsləməyə başladı. Tarixçilər o məktubların
sayının 12 ilə 26 ədəd arasında olduğunu yazırlar. ("Lühuf”, səh. 97-
"Feyzül-əllam”, səh. 142)
2-Həzrət Hüseynin (s) Kufə camaatına məktubu...
Məhərrəmin 2-ci günü, imam Hüseyn (ə) kufəlilərin yazdığı
məktublara cavab yazdı. Məktubda onların dönə-dönə dəvət və
yazılarını xatırladaraq beyətlərinə sadiq qalmalarınını və o həzrətə
kömək etmələrini istədi. Həzrət, Qeys ibn Müsəhhər Seydaviyə
göstəriş verdi ki, məktubu Kufəyə çatdırsın. Lakin məmurlar yolda
onu həbs edib şəhadətə çatdırdılar. ("Əl-irşad”, c. 2, səh. 37-
"Biharül-ənvar”, c.44 səh, 381)
3-Ömər ibn Sədin qoşunun Kərbəla diyarına daxil olması...
Hürr ibn Yəzid, imam Hüseyn (ə) və onun köməkçilərini Kərbəladə
mühasirəyə alıb onların Kufəyə tərəf getməsinin qarşını adlıqdan
sonra Übeydullah ibn Ziyad, Yezid qoşununun başçılığını Ömər ibn
Sədə tapşırdı. Ömər ibn Səd, hicri təqvimi ilə 61- ci il, cümə günü,
məhərrəm ayının 3 - də altı və ya doqquz min nəfər döyüş qüvvəsi
ilə Kərbəlayə varid oldu. ("Əl-irşad”, c. 2, səh. 84 - Məaliul-Sibtəyn, c.
1, səh.301)
4-Kərbəla torpağının bir qisminin imam Hüseyn (ə) tərəfindən
alınması...
Hicri təqvimi ilə 61- ci il, cümə günü, məhərrəm ayının 3 - də, imam
Hüseyn (ə), hazırda pak məzarının yerləşdiyi torpaq sahəsini 60 min
dirhəmə, Neynəva və Qazəriyə əhalisindən alıb onlarla şərtləşdi ki,
onların qəbrini ziyarət etmək istəyən zəvvarlara yolu göstərib onları üç gün öz yanlarında qonaq etsinlər. (Məcməül-bəhreyn, c.5, səh.
461, "Kərbəl” bölməsi).
Kitabın adı: Kərbəla həqiqətləri