418. Yetim
1891 . Yetimlərə həyan olmağa təşviq
Qur‘an:
«İsrail övladlarından Allahdan qeyrisinə ibadət etməyəcəkləri, öz ata-analarına, yetimlərə və möhtaclara yaxşılıq edəcəklərinə dair möhkəm and aldıq.»
(Bax: «Bəqərə» 177, 220, «Fəcr» 17, 18 və «Maun» 2-3-cü ayələr).
6811. Allahın Peyğəmbəri (s) (Öz şəhadət və orta barmaqlarını göstərməklə): «Mən və yetimlərin həyanı cənnətdə bu iki barmaq kimiyik, əgər Allahdan qorxsa.»
6812. Allahın Peyğəmbəri (s): «Cənnətdə şadlığın sarayı deyilən bir saray var. Ora yalnız möminlərin yetimlərini
şadlandıranlar daxil olalar.»
6813. Allahın Peyğəmbəri (s) (Öz daşürəkliyindən şikayətlənən kişiyə): «Qəlbinin yumşalmasını və diləyinə çatmağını istəyirsənmi? Yetimə mehribanlıq göstər və əlini nəvazişlə onun başına çək, xörəyindən ona da yedirt. Belə olan halda qəlbin yumşalar və istəyinə çatarsan.»
6814. İmam Əli (ə) (Şəhadətindən öncə vəsiyyətindən): «Yetimlərə görə Allahdan qorxun ki, məbada bir gün qarınlarını doydurub bir gün ac saxlayasınız. Məbada, siz olan bir yerdə onlar aradan getsinlər. Çünki Allahın Peyğəmbərindən (s) belə buyurduğunu eşitmisən. Kim bir yetimə həyan olsa, onu ehtiyacsız etsə, vacib etdiyi kimi Allah bu işinə görə cənnəti ona vacib edər. Yetim malı yeyənə cəhənnəm odunu vacib etdiyi kimi.»
1892. Yetimin malını yeyənlər
Qur‘an:
«Yetimlərin mallarını zülmkarlıqla yeyənlər öz qarınlarına cəhənnəm odu atarlar və tezliklə (cəhənnəmdə) yanan alova daxil olarlar.»
(Bax, «Nisa», 2, 6: «Ə‘nam», 152 və «İsra» 34-cü ayələr)
Hədis:
6815. Allahın Peyğəmbəri (s): «Xörəklərin ən pisi yetimin malını zülmkarlıqla yeməkdir.»
6816. Allahın Peyğəmbəri (s): «Qiyamət günündə bir dəstə ağızlarından alov saça-saça qəbirlərindən çölə çıxarlar. Ərz olundu: Ey Allahın Peyğəmbəri (s), onlar kimlərdir? Buyurdu: Yetim malı yeyənlər.»
6817. Fatimeyi Zəhra (ə) (öz nitqlərindən birində): «Allah yetimin malını yeməkdən çəkinməyi, zülm və haqsızlığın qarşısını almaqdan ötrü vacib buyurmuşdur.»
Kitabın adı: Mizanul – hikmət (xülasəsi) 2-ci cild
Admin: 3
Redaktor: 4
Sayt nəzarətçisi: 7
VİP: 1
İstifadəçi: 6704
Bu gün: 0
