406. Vətən
1829.Vətəni sevmək
6561.İmam Əli (ə): «Ölkələr vətən sevgisi ilə abad olublar.
6562.İmam Əli (ə): «İnsanın ömrünün keçən (hissəs)inə ağlaması, vətəninə bağlılığı və köhnə dostlarını qoru(yub saxla)ması onun alicənablığındandır.
6563. «Səfinətul-bihar»: «Nəql edilib ki: vətəni sevmək imandandır.»
1830.Vətəni müdafiə etmək
6564.Allahın Peyğəmbəri (s): «Allah, evində hücuma məruz qalıb vuruşmayan kişiyə nifrət edir.»
6565.İmam Əli (ə): «Onlar sizinlə vuruşmamışdan, siz onlarla vuruşun. Çünki and olsun Allaha, hansı qövm öz torpaqları daxilində hücuma məruz qalıbsa, xar və məğlub olub. Siz isə vuruşmağı bir-birinizə həvalə etdiniz və bir-birinizə kömək etməkdən əl götürdünüz, nəhayət dalbadal hücumlara məruz qaldınız və vətənləriniz əlinizdən çıxdı.»
1831.Qürbət və vətən
6566.İmam Əli (ə): «Varlılıq qürbətdə vətən, kasıblıq vətəndə qürbətdir.»
6567.İmam Əli (ə): «Sənin üçün şəhərlərin biri digərindən daha layiq deyil. Şəhərlərin ən yaxşısı, səni çiyinlərində aparan (sənin yaşayışını təmin edən və rahatlıq və asayişdə olduğun) şəhərdir.»
Kitabın adı: Mizanul – hikmət (xülasəsi) 2-ci cild