6471.Allahın Peyğəmbəri (s): «Hər bir şeyin əsası və təməli var, imanın təməli də günahlardan çəkinməkdir.»
6472.Allahın Peyğəmbəri (s): «Dinin sütunu günahlardan çəkinməkdir.»
6473.Allahın Peyğəmbəri (s): «Dininizin ən üstünü, günahlardan çəkinməkdir.»
6474.İmam Əli (ə): «Günahlardan çəkinməkdən gözəl səngər yoxdur.»
6475.İmam Əli (ə): «Günahlardan çəkinmək qalxandır.»
6476.İmam Əli (ə): «Kim bizi sevirsə, bizim kimi əməl etməli, davranmalı və günahdan çəkinməkdən kömək götürməlidir. Çünki günahlardan çəkinmək dünya və axirət işində ən yaxşı köməkçidir.»
6477. İmam Baqir (ə): «İbadətlərin ən çətini günahlardan çəkinməkdir.»
6478.İmam Sadiq (ə): «Günahlardan çəkinən olun! Çünki günahdan çəkinmək bizim tabe olduğumuz, vasitəsi ilə Allaha bəndəlik və itaət etdiyimiz və (Ona tabe olmağı) bizi sevənlərdən istədiyimiz dindir.»
6479.İmam Sadiq (ə): «O şəxs ki, yüz min və ya daha artıq əhalisi olan bir şəhərdə yaşayır və orada ondan da pəhrizkar olan bir kəs var, bizdən deyil və dəyərsiz adamdır.»
1809. Günahlardan çəkinməyin nəticəsi.
6480.İmam Əli (ə): «Günahlardan çəkinməyin nəticəsi nəfs və dinin düzəlməsidir.»
6481.İmam Əli (ə): «Günahlardan çəkinmək haramları yerinə yetirməyə mane olur.»
6482.İmam Əli (ə): «Günahlardan çəkinmək təqvanın təməlidir.»
6483.İmam Əli (ə): «Elm, günahlardan çəkinmə olmadan inkişaf etmir.»
6484.İmam Sadiq (ə): «Allahdan qorxun və dininizi günahlardan çəkinməklə qoruyun.»
1810. Günahlardan çəkinməyin rolu.
6485.İmam Əli (ə): «Günahlardan çəkinməklə müşayiət olunmayan ibadətdə xeyir yoxdur.»
6486.İmam Səccad (ə): «Günahlardan çəkinmək, ibadətin (nəzmə düzüldüyü) ipidir. Əgər bu ip qırılsa, (təsbeh və bu kimi şeylərin) sap(ı) qırılanda nəzm pozulduğu kimi dindarlıq da eləcə aradan gedər.»
6487.İmam Sadiq (ə): «Günahlardan çəkinmə olmadan ibadətdə çalışmaq, xeyir verməz.»
6488.İmam Sadiq (ə) (Əmr ibn Səidə xitabən):–«Sənə ilahi təqvaya yiyələnməyi, günahlardan çəkinən olmağı və (ibadətdə) çalışmağı tövsiyə edirəm. Bil ki, günahlardan çəkinməklə birgə olmayan çalışqanlıq xeyir verməz.»
1811. Günahlardan çəkinməyin mə‘nası.
6489.Allahın Peyğəmbəri (s): «Günahlardan çəkinmək əməllərin ağası və başçısıdır. Hər kimdə onu xəlvətdə Allaha qarşı itaətsizliklə qarşılaşdıq-da həmin işi yerinə yetirməkdən saxlayan çəkinmə olmasa, Allah onun digər əməllərinə etina etməz. Çünki günahlardan çəkinmək gizlin və aşkarda Allahdan qorxmaq, yoxsul və varlı olanda mötədillik, şad və qəzəbli olanda ədalətə riayət etməkdir.»
6490.İmam Əli (ə): «Günahlardan çəkinməyin kökü günahlardan uzaq-laşmaq və haramdan çəkinməkdir.»
6491.İmam Əli (ə): «Günahlardan çəkinmək (haramlıq ehtimalı olan) şübhəli şeylə qarşılaşan zaman dayanmaqdır.»
6492.İmam Sadiq (ə) (günahlardan çəkinən şəxs barədə sualın cavabında):–«Günahlardan çəkinən, Allah-taalanın haramlarından çəkinən şəxs-dir.»
Admin: 3
Redaktor: 4
Sayt nəzarətçisi: 7
VİP: 1
İstifadəçi: 6734
Bu gün: 1
