Sual : Vacib namazların qunutunda hər hansı bir dildə dua etmək olarmı? 

Cavab:Bu suala təqlid mərcələrinin fətva və nəzərləri aşağıdakı kimidir:

Ayətullah əl-üzma Xamenei: 

Bir maneçiliyi yoxdur.

Ayətullah əl-üzma Sistani:

Əgər qünutun zikr və duası ərəb dillindən qeyri dildə oxunsa, o qünutun gerçəkləşməsi iradlıdır (yənu bu qünutu əvəz etmir və kifayət deyil). Lakin onun namazı düzgündür. 

Əgər qünutda onun zikr və duasını ərəbcə oxusanız, sonra öz dilinizdə dua etsəniz, onda qünut düzgündür (həmçinin namaz da düzgündür). 

Ayətullah əl-üzma Behcət: 

Daha zahir qeyri-ərəb dilində oxunmasının icazəli olmasıdır, lakin hər dildə oxunulsa gərək düzgün oxusun ki, qünut barədə vəzifəsini yerinə yetirmiş olsun.

Ayətullah əl-üzma Vəhid:

Vacib və ya müstəhəb namazlarda qünutu qeyri-ərəb dilində oxumaq namaza zərər yetirmir və namaz düzgündür. Lakin namazqılanın qünut barədəki vəzifəsi yerinə yetirilməmiş olur və ərəbcə oxunmalı olan duadan kifayət etmir. Əlbəttə, dua Allahla munacat formasında olmalı və Allahdan qeyrisinə xitab edilməməlidir. 

Ayətullah əl-üzma Məkarim: 

Namazın qünutunun və digər zikrlərinin qeyri-ərəbcə oxunması icazəli deyil.

Sual  : 

Insan gündəlik qarşısina çıxan məsələləri vacibdi ki oyrənsin? və əgər öyrənməsə bu ona günah sayılırmı? 

Cavab:

Hər bir müsəlman adətən ehtiyac duyduğu məsələləri öyrənməlidir. O məsələlərin öyrənilməməsi vacibin tərk olunmasına, yaxud harama düşməyə səbəb olarsa, şəxs günahkardır.

Sual :

Başa qəmə vurmaq, baş yarmağın hökmü nədir? Həzrət Ayətullah Xameneinin bu barədə hökmünə başqa müctəhidlərin müqəllidləri də tabe olmalıdır? Baş yarma mərasiminin aşkarda və ya gizlində həyata keçməsinin fərqi var?  

Cavab:Həzrət Ayətullah əl-üzma Xamenei hazırkı şəraitdə qəmə vurmağı haram sayır və buyurur ki, bu əməlin sabiqəsi yoxdur, sabiqəsi olsa belə əhli-Beyt (ə) məktəbinə qarşı təbliğatda istifadə olunur. Əhli-beyt (ə) məktəbini, şiəliyi alçaltmaq istəyənlər baş yarmaq mərasimindən fotolar paylaşır. Həmçinin, həzrət buyurur ki, belə bir şəraitdə baş yarmaq nəinki əzadarlıq deyil, hətta əzadarlığa qarşı təxribatdır. Buna görə də bütün möminlər kimə təqlid etməsindən asılı olmayaraq əzadarlıqda bu işdən çəkinməlidirlər. Aşkarda və ya gizlində qəmə vurmaq arasında fərq yoxdur. Yəni, gizlində də bu işi etməyə icazə verilmir.        

Sual :

Məhərrəm ayında nişan mərasimi, yaxud toy etmək olarmı? 

Cavab:

Belə məclislər adətən imam Huseynə (ə) hörətsizlik sayılır və bunun üçün də icazəli deyil. Qeyd edək ki, əgər belə bir matəm ayında bu toy baş tutsa da heç vaxt bərəkətli olmayacaqdır.

Sual : 

Sahibi də məlum olmayan və haram yoldan əldə edilmiş pulun xumsu tez bir şəkildə ödənməlidirmi?  

Cavab.

Müctəhid: Ayətullah Xamenei 

Bismillahir-rəhmanır-rəhim 

Haram yol ilə əldə edilən pul əldə edənin şəxsi malikiyyətində deyil. Öz əsas maliki və ya maliklərinə qaytarılmalıdır. Əgər bu mümkün deyilsə, məchulul-malik, yəni sahibi məlum olmayan hökmündədir.

Bir sıra təqlid mərcələrinin bu barədə fətvalarını sizə çatdırırıq:

Ayətullah əl-üzma Sistani:

O pulun hamısını seyid olmayan dindar fəqirlərə sədəqə versin, xümsu yoxdur.

Ayətullah əl-üzma Safi Gülpayqani:

Məchulul-malik hökmündədir və xumsu yoxdur. Gərək sahibinin tərəfindən seyid olmayan fəqirlərə sədəqə versinlər.

Ayətullah əl-üzma Nuri Həmədani:

Sual fərzində qeyd edilən məbləğ gərək rəddi-məzalim ünvanı ilə ödənilsin (yəni müctəhidin icazəsi ilə sahibi tərəfindən fəqirə sədəqə verilsin).

Sual :

Kinoya,seriyala baxmaq olar ?

Cavab:

Pozğun, azdırıcı, günaha çəkən filmlərə baxmaq mütləq halda haramdır. Digər filmlərə də şəhvətlə baxmaq və ya harama düşmək qorxusu olarsa, icazəli deyil. Həmçinin, vacib ehtiyat odur ki,  bədənini adət miqdarından artıq örtməyən kişi olan film, ya səhnələrə qadın baxmasın. Habelə, hicabsız qadınların yanında adətdən artıq çılpaq olan qadın çəkilmiş film və səhnələrə kişinin baxması icazəli deyil, hətta şəhvətlə olmasa da.