5. Fədəyin sərhədləri
Fədək-əvvəlcə də qeyd etdiyimiz kimi,-Xeybərin yaxınlığında səfalı, bol yaşıllığı olan və sərhədləri də heç kimə məxfi olmayan bir kənd olub. Amma təəccüblüsü budur ki, harun ər-rəşid İmam ibn Cəfərə (ə) "Fədəyin sərhədlərini bəyan et, sizə qaytarım”-deyəndə, Həzrət (ə) cavab vermək istəmədi.harun israr etdikdən sonra İmam (ə) buyurdu;
-Mən Fədəyi, yalnız həqiqi sərhədləri ilə geri alacağam!
Harun dedi;
-Həqiqi sərhədləri haradır?
-Mən onları desəm də, əminəm ki, razılaşmayacaqsan.
-And olsun baban Peyğəmbərin (s) haqqına sən de (mən qaytaracağam)!
-Bir tərəfdən sərhədi Ədən ərazisidir!
-(Üzübozarmış halda) Əcəb,əcəb!
-İkinci sərhədi Səmərqənddir! (harunun sifətində narahatçılıq cizgiləri daha da artırdı.İmam (ə) sözünə davam etdi). Üçüncü tərəfdən sərhədi Afrikadır!
-(harunun sifəti narahatçılığından qaraldı) Əcəb!
-Dörduncü tərəfdən sərhədi Xəzər dənizinin sahilləridir!
-Bizim üçün heç nə qalmadı ki. Elə isə qalx, mənim yerimdə əyləş və camaata hökumətlik et! (Mənası budur ki, sənin sadaladığın sərhədlər bütövlükdə İslam ölkəsinin sərhəddidir)
-Demədim ki, həqiqi sərhədləri bəyan etsəm,onu mənə verməyəcəksən?!
İmam(ə) əvvəldə dediyi sözü ona xatırlatdı.Məhz bu andan etibarən harun öz zehnində İmamı qətlə yetirməyin planını cızdı. Bu mənalı hədis Fədəklə xilafət məsələsinin bir-birinə bağlı olduğunun aydın dəlilidir.Məsələnin əsas mahiyyəti Rəsulallahın (s) xilafətinin qəsb olunmasıdır.harun, həqiqətdə, Fədəyin təhvil vermək istəmirdi.Bu,yalnız siyasi bir taktika idi;xalqın gözündə ədaləti xəlifə portreti çəkmək.Əgər Fədəyi əsl sahibinə qaytarsaydı, onda xilafəti də haqqı olduğu xanədana, yəni Musa ibn Cəfərə (ə) qaytarmaq məcburiyyətində qalacaqdı. Bu,məntiqdir! İmamın (ə) istənilən zaman qüdrət əldə edib, onu xilafət taxtından devirə biləcəyi ehtimalı xəlifə harunun planlarına yeni bir cinayət əlavə etdi: Həzrət (ə) şəhid etmək!
Nəticə Peyğəmbərin (s) rehlətindən sonra baş verən Fədək və digər kədərli hadisələr Əhli-beyti (ə) islami xilafət və hökumətdən uzaqlardırmaq, onların vilayət və imamət məqamını görməməzliyə vurmaq məqsədini daşıyırmış.
Siyasi oyunçular-İslamın ilk dövrlərindən, xüsusən də bəni-Üməyyə və bəni-Abbas tayfalarının hakimiyyətləri zamanından başlayaraq-Əhli-beyti hər cəhətdən sındırır, onların qələbəsinə səbəb ola biləcək istənilən cüzi imtiyazı belə əllərindən alırdılar. Bəzi şəraitlərdə onların adlarından istifadə edir,amma haqlarını əllərindən alırdılar.
Bəni-Üməyyə və bəni-Abbasın hakimiyyətləri dövründə İslam ölkəsinin ərazisi, sərvətlərinin həcmi və büdcə gəlirlərinin dünya tarixində nadir rastlanan və ya nümunəsi çox az gözə çarpan miqdar və miqyasda tərəqqi etməsi faktı danılmazdır. Təbbii ki, kiçik bir kənd olan Fədəyin ərazisi və gəliri ölkənin ümumi göstəricilərinin yanında hesaba gəlməyəcək qədər kiçikdir. Amma şeytani düşüncələr yenə də hakimiyyətdəkilərə,-Fədək ərazisi sayəsində qüdrət əldə edə biləcəkləri qorxusu olduğu üçün-bu haqqı öz sahiblərinə qaytarmağa icarə vermirdi.
Fədək hadisəsi həqiqətdə İslam tarixinin gizli planlar və tarixi təxribatlarla zəngin elə bir səhifəsidir ki, onu mütaliə edənlər Peyğəmbər (s) xanədanının məqamını, məzlumiyyətini (haqlarının tapdalanmasını), düşmənlər tərəfindən sıxışdırılaraq siyasi meydanından kənarlaşdıqlarını açıq-aşkar görə bilərik.
Kitabın adı: Fatimə (s) dünyanın ən üstün qadını
Admin: 3
Redaktor: 4
Sayt nəzarətçisi: 7
VİP: 1
İstifadəçi: 6678
Bu gün: 0
