ŞƏRİƏT HÖKMLƏRİNİ ƏLDƏ ETMƏYİN YOLLARI
Şəriət hökmlərini əldə edib onlara əməl etmək üçün mükəlləfin qarşısında üç yol var.
- 1.İctihada çatmaq: İctihad,şəriət hökmlərini və ilahi qanunları İslam fəqihlərinin nəzərində etibarlı sayılan sənədlər və qaynaqlardan əldə etmək deməkdir.
- 2.Ehtiyat etmək: Ehtiyata əməl etmək o deməkdir ki, mükəlləf öz şəri vəzifəsini yerinə yetirdiyinə tam arxayındır. Məsələn, bəzi müctəhidlərin haram bildiyi və bəzilərinin haram bilmədiyi bir işi yerinə yetirmir. Başqa tərəfdən də bəzi müctəhidlərin vacib bilmədiyi və bəzilərinin vacib bilmədiyi bir işi, yerinə yetirir.
- 3.Təqlid etmək: Təqlid,şəriət hökmlərində xüsusi sifətlərə malik olan bir müctəhidə müraciət etmək deməkdir. Başqa sözlə desək, onun göstərişinə və fətvasına uyğun olaraq şəri vəzifələri yerinə yetirməkdir.
Diqqət:
Təqlid barəsində mövcud nəqli dəlillərdən əlavə, şəriət hökmlərini bilməyən bir şəxsin xüsusi sifətlərə malik olan bir müctəhidə müraciət etməsi əqlin hökmünə tam uyğun bir əməldir.
Müctəhid olmayan bir mükəlləf, müctəhidə təqlid etməli və ya ehtiyata əməl etməlidir.
Ehtiyata əməl etmək böyük diqqət və daha çox vaxt tələb etdiyi üçün, yaxşısı budur ki, mükəlləf, şəriət hökmlərində xüsusi sifətlərə malik olan müctəhidə təqlid etsin.
• Bu üç sifətə malik olan şəxs üçün təqlid etmək vacibdir:
- 1. Mükəlləfdir
- 2. Müctəhid deyil
- 3. Möhtat deyil
Bu barədə sualı olan varsa şərhdə bildirə bilərsiniz.
Kitabın adı: Fiqh Təlimləri
Müəllif: Ayətullahil-uzma Seyyid Əli Xamneinin fətvaları əsasında
www.ehliwie-samux.com