Behişt narının və üzümünün təsbih deməsi
Bir gün Fatimə (s.ə.) ikici mövlası Həsən (ə) və Hüseyn (ə) ilə birlikdə Peyğəmbər (s)-ın hüzuruna gəldi. Daxil olandan sonra, Həzrət (s) Fatimə (s.ə.)-ya buyurdu: Əmim oğlunu ( Əli (ə- ) mənim yanıma çağır. Əli (ə) gələndən sonra, Həzrəti Peyğəmbər (s), Həsən (ə)-ı sağ dizi üstə, Hüseyn (ə)-ı sol dizi üstə, Əli (e) və Fatimə (s.ə.) birini ön hissəsində o birini isə arxa hissəsində oturtduqdan sonra, öz əbasını onların üstünə atıb, üç dəfə dedi: İlahi! Bunlar mənim pak Əhli-Beytimdirlər. Günah və çirkinlikləri onlardan uzaq et və onları pak qərar ver.
Ümmü Sələmə deyir : Mən qapının ağzında durmuşdum, dedim Ya Rəsulullah! Mən də onlardanam. Həzrət buyurdu: Sənin aqibətin çox yaxşıdır, lakin sən onlardan deyilsən. Sonra Cəbrail (ə) bir tabaq behişt narı ve üzümü gətirdi. Peyğəmbər (s) üzüm və narı əlinə götürdükdə, hər ikisi Allaha zikr və təsbih dedilər. Sonra Peyğəmbər (s) onları yedi. Bu zaman Həsən (ə) və Hüseyn (ə) tabaqdakı nar və üzümdən götürdülər, onların əlində də Subhanəllah dedilər. Həsən Hüseyn (ə) nar ve üzümü yedilər. Elə bu zaman Həzrətin səhabələrindən biri daxil oldu. Behiştdən gələn nar və üzümdən yemək istədi. Cəbrail (ə) dedi: Bu meyvələrdən yalnız Peyğəmbər (s), onun canişini və övladları yeyə bilər.
Mənbə: 14 Məsumdan möcüzələr kitabı