Nəhayət kitabında deyilir: Kahinliyin bu qismini bilən şəxs ( Ərraf ) adlanır, lakin fəqihlər arasında olan məşhur nəzərə əsasən, kahin cini tayfası tərəfindən nəzər sahibi olan və cinlərin ona gizlin işlərdən xəbər verməsini dərk edən şəxsə deyilir. Məsələn: oğurlanmış filan mal haradadır? Onu oğurlayan kimdir? Filankəsin qatili kimdir? Həmçinin gələcəkdə baş verəcək bir sıra hadisələrdən onun agah edilməsi də bu qəbildəndir. Bütün fəqihlərin nəzərinə əsasən kahinlik haramdır. Həmçinin sehri öyrənib onu başqasına öyrətmək, ona əməl etmək və sehr əməli üçün sehrbazın yanına getmək haram olduğu kimi, kahinliyi öyrənib ona əməl etmək və kahinlik üçün kahinin yanına getmək də haram sayılır. Bəzi fəqihlərin buyurduğuna görə, kahinlik sehrin bir hissəsidir. Həzrət İmam Sadiq əleyhis-səlam buyurur: Kahinlik edən ve ya ona kahinlik etmək üçün bir kahinin yanına gedən,şübhəsiz Muhəmmədin dinindən xaric olmuşdur.
Heysəm İmam Sadiq əleyhis-səlamdan soruşdu: Bizim yanımızda bir kişi vardır ki, hərgah onun yanına bir nəfər gəlib ,oğurlanmış, itmiş və bu kimi işləri ondan soruşarsa ona xəbər verir. Ondan ( bu haqda bir sual ) soruşmağımız caizdirmi? Həzrət buyurdu: həzrət Peygəmbər (s) buyurmuşdur: Sehrbaz, kahin və ya yalançının yanına gedib onu təsdiq edən şəxs, şübhəsiz Allah-təalanın Öz peyğəmbərinə göndərdiyi bütün asimani kitablara kafir olmuşdur.
Mərhum Şeyx Ənsari buyurur: Bu hədisdən gizlin işlərdən istər kahinlik, istərsə də başqa ünvanla xəbər verməyin haram olması yəqinliklə başa düşülür. Amma gizlin işlərdən ehtimal ilə xəbər vermək caizdir. Həzrət İmam Sadiq əleyhis-səlam kahinliyi haram ticarətlər sırasında sayaraq onun pulunu haram bildirmişdir.
Belə bir hədis Həzrət Əmirəl-möminin İmam Əli əleyhis-səlamdan da rəvayət olunmuşdur. Xalqın məsləhəti gələcəkdən xəbərdar olmamasındadır. Bilmək lazımdır ki, kahinlik və bu kimi işlərin haram olmasında bir sıra hikmətlər və məsləhətlər vardır. Onlardan biri də Allah-təalanın, insanların gələcəkdə baş verəcək gizlin hadisələrdən xəbərdar olmamasınə istəməsidir və bəşəriyyətin bu cür işlərdən xəbərdar olmaması, onların öz məsləhətinədir. Çünki bu gizlin xəbərlər onun meyli və istəyinə uyğun olarsa, onu bilməklə daha tez əldə edə bilməz. Həmçinin o yaxşi hadisə dua və sədəqe kimi xeyirli əməlləri yerinə yetirməyə bağlı olarsa, bu xeyir işləri əncam verməmək üzündən ondan məhrum olması və o xeyirli hadisənin baş verməməsi qarşıya çıxa bilər, lakin o hadisə pis və insanın meylinə uyğun olmadıqda və o hadisənin qəti olmayıb və onda bədanın olması ehtimalı olduqda belə, onun bərk narahatçılığına səbəb olar. Məsələn: Qurani-kərimin buyurduğuna əsasən Yunis peyğəmbərin milletinə əzab yaxınlaşaraq, onların tövbə və duası nəticəsində əzabın uzaqlaşdığı kimi bir çox hadisələr də dua, sədəqə və xeyir əməllər nəticəsində uzaqlaşıb aradan gedir.
Admin: 3
Redaktor: 4
Sayt nəzarətçisi: 7
VİP: 1
İstifadəçi: 6678
Bu gün: 0
