Əli (ə) Əbubəkrə buyurdu: Ey Əbubəkr! Quranı qəbul edirsən?
Əbubəkr dedi: Bəli!
Əli (ə) buyurdu: Quranın bu ayəsi barəsində ki, buyurur:
"Allah siz Əhli-beytdən bütün çirkinliyi uzaqlaşdırıb və sizi pak etmişdir."
Nə bilirsən? Bu barəmizdə nazil olub ya başqasının?
Əbubəkr dedi: Sizin barənizdə nazil olubdur.
Həzrət buyurdu: Əgər müsəlmanlardan iki nəfər Fatimənin (s.ə) əleyhinə şəhadət versələr, nə edərsən?
Əbubəkr dedi: Başqa müsəlman qadınlar kimi onun üçün də İlahi cəzanı icra edərəm.
Əli (ə) buyurdu: Belə olan surətdə sən, Allahın yanında kafirsən.
Əbubəkr dedi: Nə üçün?
Buyurdu: Çünki Allah-təala Fatimənin paklığına şəhadət veribdir. Sən isə onu rədd edib, camaatın şəhadətini qəbul etmisən. Allah Fatimənin (s.ə) paklığına şəhadət vermişdir. Əgər sən, Allahın şəhadətini rədd edib başqasının şəhadətini qəbul edirsənsə, Allahın yanında kafirsən, sən Allahın və onun peyğəmbərinin hökmünü qəbul etmirsən. Allah və Peyğəmbər (s) Fədəyi Fatiməyə (s.ə) bağışladı. Peyğəmbərin (s) həyatında Fədək onun ixtiyarında olubdur. Sən, Allah və Peyğəmbərin (s) sözünü rədd edib, ayaq üstə idrar edən köçəri bir ərəbin sözünü qəbul etdin. Fədəyi ondan aldın. Güman edirsən ki, Fədək müsəlmanların qənimətidir? Həmçinin, (s) başqa bir sözünü də qəbul etmirsən. O da bundan ibarətdir ki, Peyğəmbər (s) buyurur:
"İddia edən şəxs gərək şahid gətirsin və inkar edənin and içməsi kifayətdir."
Sən isə inkar edəndən şahid istəyirsən!!!
Əli (ə)-ın dəlil və sübutunun nəticəsi
Burada camaat qəzəbləndi. Başa düşdülər ki, Əbubəkr və Ömər Fatiməyə (s.ə) zülm edibdir. Bir-birinə baxıb dedilər: And olsun Allaha, Əli (ə) düz deyir.
Əli (ə)-da evinə qayıtdı.
Mənbə: "Fatimə Zəhra (s.ə) xütbəsi" kitabı