İmam Əli (ə)-ın fəziləti
+5
Müəllif:
Admin | 18-07-2014, 15:00 | Baxılıb: 1 395
İmam Əli (ə)-ın fəziləti
Həzrət Peyğəmbər (s) buyurur: "Hər kim Adəmin elmini, Nuhun düşüncəsini, İbrahimin helmini və Yəhya ibn Zəkəriyyanın zöhdünü görmək istəyirsə, onda Əli ibn Əbi Talibə baxsın.” İmam Əli (ə) elə bir insan idi ki, hansı işdə Allahın razılığı olsaydı, o işi görər və hansı işdə Allahın razılığı olmasaydı, o işi görməzdi. İmam Əli (ə) çox ədalətli bir insan idi. Onun ədalətinə heç kəsin şübhəsi belə yoxdur. Hamı İmam Əlinin (ə) ədalətli bir insan kimi tanıyır. Bədr döyüşü İslamın ən mühüm döyüşlərindən biri idi. Bu döyüşdə müsəlmanların sayı 313 nəfər, müşriklərin sayı isə 950 nəfərdən ibarət idi. Müşriklərə Əbu Sufyan başçılıq edirdi. Döyüş başladıqda Imam Əli (ə) böyük qəhrəmanlıqla müşriklərin qoşununu dağıtdı. Həzrət Əlinin (ə) Əqil adlı bir qardaşı vardı ki, o da müşriklərdən idi və İslam dinini qəbul etməmişdi. Imam Əli (ə) onu atdan yerə salıb, başını kəsmək üçün sinəsinə çökdü. Əqil yerdən səsləndi: "Əli, mənəm!” Əli (ə) baxmadı. Əqil ikinci dəfə səsləndi. "Əli, mənəm! Sənin qardaşın Əqiləm!” Əli (ə) ona baxıb dedi: "Hər kim olursan ol. Kim peyğəmbərlə müharibə edərsə, qardaşım olsa belə öldürəcəyəm.” Əqil dedi: "Əgər İslam budur ki, insanlar Allaha iman gətirməklə bir-birinə qardaş olurlar və iki doğma qardaşın biri iman gətirməsə, o birinə düşmən sayılır, onda mən bu gündən Allaha iman gətirdim.” Sonra Əqil kəlmeyi-şəhadəti dedi və müsəlman oldu. Həzrət Əli (ə) onu öldürmədi. Çünki artıq Əqil iman gətirmişdi. Corc Cordak adlı xaçpərəst yazıçı 5-cildlik "İnsan ədalətinin səsi” adlı kitabında İmam Əli (ə) barədə belə yazır: "Əli ibn Əbi Talibi ədalətinin çoxluğundan ibadət mehrabında öldürdülər.”
Mənbə: "Qədr gecəsi" kitabı
Müəllif: Ocaq Nejad ağa
|
Mətndə qramatik səhv var? Onu siçan ilə seçin və
"Ctrl+Enter" düyməsini sıxın (Savab qazanmağa çalışın) |
Bilgilendirme
Yorum Ekleyebilmeniz için Sitemize Kayıt Olmanız Gerekmektedir.