İmam Rza (ə)-dan nəql olunmuşdur ki, Allah-təala, şəban ayının son üç gününü oruc tutub onu, mübarək ramazan ayına çatdıran şəxsə, ardıcıl tutulmuş iki ayın orucunun savabını verər.
Əba Səlt İmam Rza (ə)-dan belə rəvayət edir: Şəban ayının axırıncı cüməsi imam Rza (ə)-n hüzuruna getdim. Həzrət buyurdu. Ey Əba Səlt şəban ayının çoxu gedib və bu cümə onun axırıncı cüməsidir. Belə isə qalanından, ayın keçən günlərində etdiyin təqsirlərin üçün yaxşı istifadə et. Sənə xeyirli olanlara üz gətir. Çoxlu dua və istiğfar et. Qurani Məcidi çox oxu. Öz günahlarından Allah-təalaya tövbə et ki, mübarək ay gələndə (ramazan ayı) özünü Allah üçün xalis etmiş olasan. Başqasının haqqını və ya əmanətini boynunda saxlama, etdiyin günahı tərk et. Allahdan qorx və öz gizli və aşkar işlərində ona təvəkkül et. Hər kim Allaha təvəkkül etsə, Allah ona kifayət edər.Bu ayın qalan günlərində bu duanı çoxlu oxu.
اَللّـهُمَّ اِنْ لَمْ تَكُنْ غَفَرْتَ لَنا فيما مَضى مِنْ شَعْبانَ فَاغْفِرْ لَنا فيما بَقِيَ مِنْهُ
Allahummə in ləm təkun ğəfərtə ləna fima məza min şəbanə fəğfirləna fima bəqiyə minhu.
Həqiqətən Allah-təala bu ayda, Mübarək Ramazan ayının hörmətinə çoxlu bəndələri cəhənnəm odundan azad edir.
Mənbə: Məfatihul Cinan