MEHRİBAN VƏ BAĞIŞLAYAN

ALLAHIN ADI İLƏ 

Bismillahir-Rəhmanir-Rəhim

 İmam Mehdi (əc.) bütün peyğəmbər və imamların son davamçısıdır. O, elə bir ümumi və geniş proqramın icraçısıdır ki, onunla bütün peyğəmbər və imamların məqsədləri icra olunacaq. Bütün dinlərin tərəfdarları ona tabe olmaqla, öz məqsəd və muradlarına yetişəcəklər.

 HƏZRƏT MEHDİNİN (ƏC.) ŞƏXSİYYƏTNAMƏSİ

Adı: Məhəmməd (əc.)

Məşhur ləqəbləri: Mehdi, Möv`ud, İmam əsr, Sahibəz-zəman, Bəqiyyətullah, Höccət, Qaim və s.

Ata və anası: Həsən Əsgəri (ə) və Nərgiz xanım.

Doğulduğu zaman və məkan: İslam tarixi ilə 255, yaxud 256-cı il, şəban ayının on beşində Samirra şəhərində dünyaya gəlmiş və beş il gizli surətdə atasının himayəsi altında yaşamışdır.

Yaşayış dövrü:

1) Düşmənlərdən qorumaq üçün atası onu beş il öz himayəsi altında gizli şəkildə saxlamış və 260-ci ildə atasının vəfatından sonra imamət məqamı ona həvalə olunmuşdur.

2) Qeybəti-süğra : 260-cı ildən 329-cu ilədək.

3) Qeybəti-kübra: 329-cu ildən zühura qədər.

4) O həzrətin zühuru və onun dünya hökumətinin parlaq dövrləri.

Sizə əmr edirəm ki, heç bir şeyi Allaha şərik qoşmayasınız və Allahın, onun Peyğəmbərinin (s) itaətində diqqətli olasınız.

 Mənbə: "Son xilaskar" kitabı