Namazı batil edən işlər

Namazı batil edən işlər 12-dir.

1. Namazın vacib şərtlərinə riayət etməmək, məsələn, məkan və geyimin şərtlərinə.

2. Dəstəmazın pozulması.

3. Qiblədən dönmək.

4. Danışmaq.

5. Əli bağlı namaz qılmaq (sünnə əhli qıldığı kimi).

6. Həmdi oxuduqdan sonra "Amin” demək.

7. Gülmək.

8. Ağlamaq.

9. Namazın surətini pozmaq, məsələn, əl çalmaq, atılıb düşmək.

10. Yemək və içmək.

11. Namazı batil edən şəklər, məsələn, iki rəkətli və üç rəkətli namazlarda şəkk etmək.

12. Namazın rüknünü artırıb azaltmaq. Məsələn rükunu artırıb azaltmaq.

I. Namazın vacib şərtlərini pozmaq

Əgər namazqılan namazın şərtlərindən birinə riayət etməsə, məsələn, namaz əsnasında məkanının qəsbi olduğunu başa düşsə, namazı batildir.

II. Dəstəmazın pozulması

Əgər namaz əsnasında dəstəmaz və ya qüslu pozan işlərdən biri baş versə, məsələn, namaz qılan yuxuya dalsa, yaxud ondan bövl xaric olsa, namaz batildir.

III. Qiblədən dönmək

Əgər namazqılan bilərəkdən üzünü və bədənini, yaxud onlardan birini qiblədən döndərsə - belə ki, sağ və ya sol tərəfini asanlıqla görə bilsə namazı batildir.

Əgər bu işi səhvən belə etsə, vacib ehtiyata görə, namazı batildir. Lakin üzü bir qədər sağa və sola döndərmək namazı batil etmir.

IV. Danışmaq

Əgər namazqılan namaz əsnasında bilərəkdən danışsa, hətta bir söz belə desə, namazı batildir.

Diqqət:

 Namazın surəti pozulmadığı təqdirdə ətrafdakılara bir şeyi bildir-mək üçün qiraət zamanı və zikrləri deyərkən səsi ucaltmağın eybi yoxdur. Bir şərtlə ki, namazqılan həmin sözləri qiraət və zikr niyyəti ilə oxusun.

 Əgər bir nəfər bir dəstə insana salam verib "Əssəlamu ələykum cəmiən” desə və onlardan biri salamın cavabını versə, onların arasındakı namazqılan Şəxs salamın cavabını verməməlidir.

 Namaz qılarkən "Salam” ifadəsi ilə deyil, başqa bir ifadə ilə (məsələn, sabahınız xeyir) görüşən Şəxsin cavabını vermək olmaz. Lakin namazdan kənar vaxtlarda əgər camaatın nəzərində bu ifadə, görüşmək sayılırsa, vacib ehtiyata görə bu şəxsin cavabını vermək lazımdır.

Salam barəsində bir neçə şəri hökm:

1) Yaxşı ilə pisi ayıran uşaqların (fiqhdə "müməyyiz” adlanır) istər oğlan olsunlar, istərsə də qız, verdikləri salama cavab vermək böyüklərin salamına cavab vermək qədər vacibdir.

2) Əgər bir nəfər ona verilən salamı eşitsə, lakin başı qarışıq olduğu üçün və ya başqa bir səbəbə görə salamın cavabını verməsə, yadına düşdüyü vaxt artıq salamın cavabını vermək çox gec olarsa (yəni, veriləcək cavab artıq həmin salamın cavabı sayılmacaqsa), cavab vermək vacib deyil.

3) Əgər "Səlamun ələykum” ifadəsinin yerinə təkcə "Səlam” sözü deyilərsə və bu, camaatın nəzərində salamlaşmaq sayılarsa, cavab vermək vacibdir.

4) Əgər bir nəfər eyni anda bir neçə dəfə salam versə, onların hamısına bir cavab vermək kifayətdir. Həmçinin bir neçə nəfər eyni anda salam versələr, onların hamısına cavab vermək məqsədilə ümumi bir cavab vermək (məsələn, "Səlamun ələykum” demək) kifayətdir.

IV. Həmdi oxuduqdan sonra "Amin” demək

Təqiyyə istisna olmaqla, Həmd surəsini oxuduqdan sonra "Amin” demək olmaz (namaz batil olur).

VII. Gülmək

Ucadan gülmək (qəhqəhə çəkmək) namazı batil edir.

IX. Namazın surətini pozmaq, məsələn, əl çalmaq, atılıb düşmək

Əl çalmaq, atılıb düşmək kimi namazın surətini pozan işlər namazı batil edir.

Diqqət:

 Əgər namazqılan şəxs ətrafdakılara bir şeyi bildirmək üçün və ya verdikləri suala cavab vermək üçün namazın surətini pozmadan cüzi şəkildə əlini, gözünü, qaşını hərəkət etdirsə, namazı batil olmur.

Namazı batil edən işlər barəsində bir neçə şəri hökm:

1) Namazda gözləri yummaq namazı batil etmir, lakin məkruhdur.

2) Namazda qunutdan sonra əlləri üzə çəkmək məkruhdur, lakin na-mazı batil etmir.

3) Həsəd aparmaq, kin və ədavət bəsləmək olmaz, lakin bu işlər na-mazın batil olmasına səbəb olmur.