Sular haqqında

Su, dünya və axirətin ən xeyirli və ən dadlı içkisidir. Ondan səmərəli isdifadə edin və israfa yol verməyin. Allahın bu gözəl nemətlərindən lazımınca isdifadə edən şəxs cənnətin bütün içkiləri ilə təmin edilər.

İmam Sadiq (ə)-dan soruşurlar: "Suyun dadı nədir? Buyurur: Suyun dadı həyat və dirlikdir. Allah-təala öz kitabında bu haqda buyurur: Yer üzündə mövcud olan bütün canlıları (insanı, heyvanı və nəbatat aləmini ) sudan yaratdıq. Bununla belə kafirlər iman gətirməyirlər .

Əli (ə) "Summə lətus əlunnə yəvmə izin ənin-nəim” (Sonra siz Allahın sizə verdiyi nemətlər barəsində sorğu-sual ediləcəksiniz) ayəsini belə izah etmişdir : "Sorğu-sual içdiyiniz adi su və xurma barəsində olacaqdır.

Əli (ə)-dan nəql olunmuş hədisdə deyilir : Dünyanın ən xeyirli suyu Məkkədə çıxan Zəm-zəm suyudur, ən zərərli və içilməsi mümkün olmayan su isə Yəməndəki "Bərəhut” səhrasındakı qaynayan çeşmədir. Kafirlərin ruhu gecələr bu çeşmənin ətrafına toplanar və orada onlara dözülməz əzab və əziyyət verərlər.

Zəm-zəm suyu bir çox xəstəliklərin mualicəsində isdifadə olunmaqla yanaşı xeyirli niyyətlərin həyata keçməsində də çox böyük rol oynayır. İnsana xeyirli olan sulardan biri də (təmiz) yağış suyudur. Allahın insanlar üçün göndərdiyi bu nemətdə bir çox xəstəliklərin əlacı vardır.

İmam Sadiq (ə)-dan Fərat çayı haqqında nəql olunmuş hədisdə deyilir: "Allahın mələkləri bu çaya hər gün üç misqal müşk tökərlər onun suyu şirin və bərəkətlidir. Əgər mən onun sahilində yaşasaydım məhz oranın suyundan isdifadə edərdim”.

Əli (ə) Nil çayı haqqında buyurur: Nil çayının suyu içmək üçün çox zərərli və təhlükəlidir. Onun suyu həzmi ağırlaşdırır və ürəyin sabitliyini pozur .

Başqa bir rəvayətdə deyilir: Yağlı olmayan yeməklərdən sonra su içmək insanın səhhətinə müsbət təsir göstərir. Su içmək isdədiyiniz zaman bir neçə ədəd xurma yeyin. Belə etdikdə insanın suya meyli daha da artıq və suyun xeyri daha çox olur .