Dəyərli "Üsuli-Kafi" kitabında sənədi Həzrət Baqirə (ə) çatan hədisdə o həzrətin belə buyurması nəql edilir:"Kim "qul huvəllahu əhəd" surəsini bir dəfə oxusa, ona bərəkət verilər. Kim onu iki dəfə oxusa, ona və ailəsinə bərəkət verilər. Kim onu üç dəfə oxusa, ona, ailəsinə və qonşularına bərəkət verilər. Kim onu on iki dəfə oxusa,Allah Cənnətdə onun üçün on iki saray tikər. Sonra gözətçilər deyərlər ki, bizi aparın filan qardaşımızın saraylarını görək. Kim onu yüz dəfə oxusa,onun qan və mal (nahaq qan axıtması və başqalarının malını yemək) günahları istisna olmaqla, iyirmi beş illik günahları bağışlanar .Kim onu dörd yüz dəfə oxusa ,ona atlarının ayağı kəsilmiş və qanları axıdılmış dörd yüz şəhidin mükafatı verilər. Kim onu gecə-gündüz ərzində onu min dəfə oxusa, özünün Cənnətdəki məqamını görməyincə və ya məqamı ona göstərilməyincə ölməz".

Digər bir hədisdə Həzrət Baqirə (ə) belə buyurması nəql edilir:"Atam buyurardı ki,"qul huvəllahu əhəd" surəsi Quranın üçdə biri,"qul ya əyyuhəl-kafirun" surəsi isə dörddə biridir".

Həzrət Sadiqin (ə) belə buyurması nəql edilir:"Peyğəmbər (s) Səd ibn Məaza namaz qıldı, sonra buyurdu:"Aralarında Cəbrailin də olduğu yetmiş min mələk gəldi və Sədin cənazəsinə namaz qıldı. Mən Cəbrailə dedim: "Sədi sizin namazınıza leyiq edən nədir?" Cəbrail dedi: "Onun ayaq üstə olanda və oturanda, minikdə və piyada olanda, yol gedəndə və gələndə "qul huvəllahu əhəd" oxuması".

"Savabul-əmal" kitabında deyilir: "Kim bir cümə keçsə və "qul huvəllahu əhəd"i oxumadan dünyasını dəyişsə, sƏbu Ləhəbin dinində ölər".

Sonda isə sizə "İxlas" surəsinin avazla oxuşunun videosunu təqdim edirəm: