Əmmamə qoymağın fəzilətləri haqqında

Başa əmmamə qoymaq Peyğəmbər (s)-ın sünətlərindən biridir.Yaxşı olar ki, əmmamənin bir ucu çənənin altından keçirilib çiyinə atılsın.

Peyğəmbər (s)-dan bu haqda nəql olunmuş hədisdə deyilir: "Əmmamə ərəbin tacıdır.Əgər onlar əmmamə qoymaqdan çəkinərlərsə, malik olduqları şərəf və izzətdən məhrum olarlar.”

İmam Rza (ə)-dan nəql olunmuş hədisdə deyilir: "Həzrəti Peyğəmbər (s) əmmaməsinin bir ucunu sinəsinə, o biri ucunu da çiyninə atardı.Cəddim Əli (ə) başına qoyduğu əmmaməni ilk dəfə Peyğəmbər (s) öz mübarək əlləri ilə bağladı və sonra buyurdu: And olsun Allaha! Sənin əmmamən mələklərin başlarına qoyduqları əmmaməyə bənzəyir.

İmam Məhəmməd Baqir (ə)-dan nəql olunmuş hədisdə deyilir: "Bədr döyüşündə iştirak edən mələklərin başında ağ əmmaməsi var idi.Onlar Allahın əmri ilə cihad etdilər.”

"Fiqhur-Rza”da deyilir: "Yaxşı olar ki, insan əmmamə qoyduğu zaman bu duanı oxusun”

(Bismillahi Əllamummərfə zikri və əli şəni əizzəni bi izzətikə və əkrimni bi kərəmikə bəynə yədəykə və bəynə xəlfikə əllamummə təvvicni bi tacil kəraməti vəl izzi vəl qəbul.)

Peyğəmbər (s)-dan nəql olunmuş hədisdə deyilir: Camaat papaq və əmmamə qoymağı özlərinə ar bildikləri zaman zinakarların sayı çoxalar və pozğunluq adi hala çevrilər.

Əllamə Məclisi

Möminlərin zinəti