İslama dair Sual - Cavab
0
Müəllif:
huseynciyem | 3-02-2014, 22:34 | Baxılıb: 2 070
1. Qadınlar təklikdə namaz qılarkən sübh, şam və işa (1 və 2 ci rükət istisna olmaqla) namazlarını ucadan qıla bilərlər?
Təklikdə qıldıqda ucadan qıla bilərlər. Lakin yanında naməhrəm olduqda namazlarını asta səslə qılsınlar.
2. Cənnətdə məhrəm və naməhrəm olacaq? Əgər olacaqsa, hansı şəkildə olacaq? Və əgər olmayacaqsa, məhrəmlər bir-birləri ilə evlənə biləcəklər?
Cənnət nöqsansız insanların məkanıdır. Hərşeydən əvvəl oraya düşməyin yollarını düşünmək lazımdır. Evlənməyə gəldikdə isə orada məskun olan kəs bu və bu kimi haram və bəyənilməyən işləri ağlına belə gətirməyəcək.
3. Mehriyənin miqdarı necə olur?
Meyriyənin müəyyən bir həddi olmur. Amma yaxşı olar ik, böyük mehriyələr təyin olunmasın. Belə ki, hədislərdə mehriyəsi çox olan qadınların ailə həyatının uğursuz olduğu qeyd olunur.
4. Mehriyənin növlərini açıqlardınız.
Mehriyənin üç növü var.1. Nikah bağlandığı zaman təyin olunan mehriyə - buna «Mehril müsəmma» deyilir.2.Nikah zamanı təyin olunmayan və sonradan tərəflər arasında mehriyə təyin olunarkən ürfdə təyin olunan miqdar buna «Mehril misl» deyilir. 3. «Mehril-sünnə» -bu, Həzrət Fatimənin (ə) mehriyəsidir. «Mehril-sünnə»nin miqdarı 200 misqal gümüşdür (1 misqal= 4 qr).
5.Nikah bağlandıqdan sonra cinsi yaxınlıqdan əvvəl ər dünyasını dəyişdiyi təqdirdə qadın mehriyəsinin hamısını götürür, yoxsa yarısını?
Qeyd olunan halda qadın mehriyəsini bütövlükdə götürə bilər. Bu hökm həmçinin qadın dünyasını dəyişdiyi zaman da eynilə icra olunur.
6.Müsəlman qadını əlcəklə naməhrəm kişilərlə görüşə bilərmi?
Zəruri olmadığı halda bu işi tərk etmək daha yaxşı olar.
7. Vacib cinsi yaxınlıq deyildikdə nəzərdə nə tutulur?
Vacib cinsi yaxınlıq deyildikdə kişinin dörd ay ərzində bir dəfə öz həyat yoldaşı ilə cinsi yaxınlıqda olması nəzərdə tutulur.
8. İl boyu həftənin bazar ertəsi, bəziləri isə cümə günləri oruc tuturlar. Bunlardan hansı məqbul və düzgündür?
Hər iki gündə oruc tutmağın böyük savabı var. İxlasla yerinə yetirilən hər bir əməl İnşallah Allah tərəfindən qəbul olunar.
9.Kəbin kəsdirib sonra onu necə pozmaq olar?
Kəbinin pozulmasına «talaq» deyilir. Əgər talaqı başqa birisi verirsə, hər iki tərəfin şəraitini nəzərdən keçirməli və bundan sonra belə bir ağır məsuliyyətin altına girməlidir. Yox əgər tərəflər özləri talaq vermək istəsələr, bunu şəriət kitablarında qeyd olunan şərtlər əsasında həyata keçirə bilərlər.
10.Gündə 3 dəfə namaz qılmaq düzgündür? Günah sayılmır?
Bunun özü yanlış fikirdir. Bəzən namaz 3 dəfə deyil, üç vaxta qılınır. Yəni zöhr və əsr namazları, şam və işa namazlarının da bir yerdə qılınmasına icazə verilir. Bunu Peyğəmbərin (s) həyatında da müşahidə etmək olar.
11.Dəstəmaz alarkən saçın dibi də islanmalıdır? Onun yaş olması vacibdir? Qüsl verərkən su sağ çiyinə töküləndə sağ ayağı qaldırmaq lazımdır?
Saçı seyrək olan və başının dərisi görünən şəxslər dəstəmaz alarkən suyun başın dərisinə çatmasına diqqət yetirməlidirlər. Saçı çox olan və başının dərisi görünməyən şəxslərə isə bu, vacib deyil. Qadınlar dəstəmaz alarkən başlarının ortasına məsh çəksələr kifəyət edər.
12.Çıldaq ziyarətgahının nə dərəcədə etibarı var? Oradan şəfa məqsədilə istifadə etmək olar?
Çıldaq müalicə üsulunun dinlə heç bir əlaqəsi yoxdur. Burada qədim ənənələr üsulu ilə qorxu aradan götürülür. Müsbət təsir göstərdiyi halda oradan müalicə məqsədilə istifadə etmək olar.
 |
Mətndə qramatik səhv var? Onu siçan ilə seçin və
"Ctrl+Enter" düyməsini sıxın (Savab qazanmağa çalışın) |
Bilgilendirme
Yorum Ekleyebilmeniz için Sitemize Kayıt Olmanız Gerekmektedir.
Admin: 3
Redaktor: 4
Sayt nəzarətçisi: 7
VİP: 1
İstifadəçi: 6678
Bu gün: 0
