Aləmin Zinəti Zəhrayədə (s.ə) zinətdi Hicab
O zamandan ki, Xuda bəndəyə hökm etdi hicab,
Tapdı izzətli məqam, oldu şərafətdi hicab.
Qadının tərifi-şənində kifayətdi hicab,
Allahın onlara bəxş etdiyi nemətdi hicab,
Xaliqin hikmətinin bəhrəsi, rəhmətdi hicab,
Qədr ilə qiyməti var, sahibi-qüdrətdi hicab,
Anatək qarşılanır kim başına ötrdü hicab.
* * * * *
Zühur əsrindən əlamət görünür illətlər,
Bu rəzalət dolu dünyanı tutur zillətlər,
Mənəviyyatdan əsər yox, pozulub fitrətlər,
Milli mənlikləri bir-bir itirir millətlər,
Bizdə ey kaş qorunaydı o qədim adətlər,
Qadına ali dəyər bəxş edən adətdi hicab.
Azəri qızlarının sevdiyi sərvətdi hicab.
*****
Şou-biznesdə olan ətcəbala ulduzlar,
Çoxu şeytan kimi çoxdan çıxarıb buynuzlar,
Analar var görüb onları həyadən sızlar,
Əsri öncə başıbağlıydı gəlinlər, qızlar,
Yetmiş il zülm elədi xalqıma Allahsızlar,
Çoxu fərz eylədi onda, aradan getdi hicab,
Fərz edən indi də var guya qəbahətdi hicab.
* * * * *
Hicabın var qoruyan, amma çox azdır əfsus,
Bu siyasətdi yetirmiş bizə bir Dəğyanus,
Eybi yox ətcəbala gəzsə fransız, ya rus,
Bizim el qızlarına məxsus olubdur namus,
Bu sözün əksinə söz söyləyən alçaq, sən sus,
Yad nəzərlərdən əzizlərmizi gizlətdi hicab,
Azəri qeyrətinin rəmzidi, qeyrətdi hicab.
* * * * *
Vətənim Azəribaycanda çox imanlı qadın,
Sığınıb Allahına, almadı Allahsız adın,
Allahın eşqinə həsr etdi hər istedadın,
Analarmız başıbağlı böyüdüb övladın,
Ali tutmuş həmişə Ali-Rəsul irşadın,
Buyurublar bizə onlardan əmanətdi hicab,
Şərəf-əhlin qoruyan pərdeyi-ismətdi hicab.
* * * * *
Ağamız Həzrəti Peyğəmbərin öz Fatiməsin,
Solan ondan sora gültək, gülərüz Fatiməsin,
Zülmə üsyanı salan tarixə iz Fatiməsin,
Söz ilə vəsf eləyək bəs necə biz Fatiməsin,
Bəndələrdən seçib Allah əziz Fatiməsin,
Aləmin zinəti Zəhrayə də zinətdi hicab,
Nariya, kim nə bilir ki, nə həqiqətdi hicab.
Tanınmış Əhli-beyt (ə) şairi Cəsur Nari
Admin: 3
Redaktor: 4
Sayt nəzarətçisi: 7
VİP: 1
İstifadəçi: 6704
Bu gün: 0
