Riya

İmam Sadiq(ə.) buyurur: "Öz əməlinlə riya etmə bir kəsə ki, nə dirildə bilir, nə öldürə bilir, nə də səndən başqa bir şeydə qəni deyil". 
Riya bir ağacdır ki, onun meyvəsi gizli şirk, kökü nifaqdır. Qiyamət günü Miyzanın( əməl tərəzisinin) yanında riya sahibinə deyilər: Əməllərində mənimlə şərik etdiyin kəsdən öz əməllərivi sayıb ayır və savablarını al! Bəs ay bəndə, bax gör, kimə ibadət edirsən, kimə ümid edirsən və kimdən qorxursan. Bil ki, sən öz batinində olan şeyi Ondan gizlədə bilməzsən. Əgər buna səy etsən, özün özüvü aldatmış olarsan.

Necə ki, Allah-Təala Quranı Məciddə buyurur: "Onlar aldadır Allahı və o kəslər ki, Allaha inanıblar. Amma onlar bilmirlər ki, özlərini aldadırlar" (surə 2, ayə 9)
Riya əksər hallarda vaqe olur: Baxışda, danışmaqda, yeməkdə, içməkdə, yerişdə, məclislərdə, libasda, gülməkdə, namazda,  həccdə, cihadda, Quran oxumaqda və başqa zahiri ibadətlərdə. Hər kəs öz batinini saf edib, Allah xatirinə ixlas ilə əməl məqamında olsa, Allahdan qorxsa,  bütün səylərini sərf etdikdən sonra özünü Allah dərgahında müqəssir görsə, bunun üçün şükr edər, riyadan və nifaqdan xilas olmaq ümidində olaq və həmişə özünü bu halda saxlayar. 
İmam Sadiq (ə) buyurub: Hər bir işi Allah xatirinə edin, xalqın xatirinə etməyin. Allah xatirinə olan işlər Allah üçündür, amma xalq xatirinə olan işlər Allah Təalaya tərəf qalxmaz.

Kitabın adı: Şəriət çırağı
Müəllifin adı: Əhmədağa Əhmədov