İnsana göz dəyməməsi üçün üzərlik yandırmaq dinimizə görə düzgündür?

- Göz dəyməmək üçün görülən bu kimi işlərin heç bir dini əsası yoxdur. Üzərlik yandırmaq uzun illər xalqımız arasında formalaşmış adətlərimizdəndir.

Cənabət qüslu almaga imkan olmadıqda başqa variantlardan istifadə edə bilərəm?

- Əgər boynunda cənabət qüslu olan şəxs hər hansı bir üzrlü səbəbdən qüsl ala bilmirsə, cənabət qüslunun yerinə təyəmmüm edib namazını qılmalıdır.

İşimlə əlaqədar olaraq namazı bəzən vaxtında qıla bilmirəm. Bilmək istərdim ki, namazı vaxtından gec qılmaq olar?

- Namazı təxirə salaraq vaxtından gec qılmaq olmaz. Çalşımaq lazımdır ki, namaz nəinki qəzaya getməsin, əksinə əvvəlki vaxtında qılınsın.

Səcdədə gözü yummaq namazı batil edir?

- Xeyr, səcdədə gözü yummaq namazı batil etmir. Lakin yaxşı olar ki, səcdə vaxtı gözünüz açıq olsun.