Keçirək "Nimeyi-Şəbanı", denən ya Məhdi!
Çağıraq eşqilə mövlanı denən Ya Məhdi!
Gələ azad edə dünyanı, denən Ya Məhdi!
Həsrətin çox çəkirik, gəlməyinə müntəzirik,
Çağıraq Hüccəti Sübhanı, denən Ya Məhdi.
Ey Əbəlqüdrət, eşit, nəreyi İslam səsini,
Bürüyübdür səsi dünyanı, denən Ya Məhdi.
Görməyirsən necə tüğyan eləyir Zalimlər,
Təkləyib cümlə Müsəlmanı, denən Ya Məhdi.
Niyə İslami atıb küfrü tutubsan Zalim,
Tərk edibsən niyə Quranı, denən Ya Məhdi!
Vardı Quranda Hicab ayəsi yaxşı bilisən,
Dost tutursan niyə üdvanı, denən Ya Məhdi!
De ki,Ya Məhdi!, odur aləmi islah eləyən,
Qovacaq küfr ilə Şeytanı, denən Ya Məhdi!
Səbr elə, səbrivə qurban a, Müsəlman balası,
Agah ol, hifz elə imanı, denən Ya Məhdi!
Uyma Şeytanə və şeytanbaz olan kimsələrə,
Tanı Allah sevən insanı, denən Ya Məhdi!
Bu gecə niyyət edib nəfsini islah elə kim,
Bürüsün hər tərəf, hər yani, denən Ya Məhdi!
Kaş Ağam bahəm olaydı, bu cəmiyyətmiz ilə,
Keçirək "Nimeyi-Şəbanı", denən Ya Məhdi!
Can fədadır sənə min-min bu Fədailər ilə,
Edə qurban sənə bu cani, denən Ya Məhdi!