Bir əhd eliyib eşqidə dildar ilə Məhdi,
Zahir olacaq çün Əli tək yar ilə Məhdi.
Yəqin Əlidir əvvəlü axir bilir ol şəh,
Həşrə gələcək Heydəri-Kərrar ilə Məhdi.
Əhməd adını xəlqə nümayan edəcəkdir,
Bir zatıdı ol Əhmədi-Muxtar ilə Məhdi.
Ədlin günəşi parlayacaq cümlə cahanda,
Hərb eyləyəcək zalimü qəddar ilə Məhdi.
Ümmət üzünə bir qapı həqdən açar əlbət,
Bu babə gələr həqqə tərəfdar ilə Məhdi.
Çox sirləri aşkar eliyər sahibi-dövran,
Dərdi böləcək acizü naçar ilə Mehdi.
Məzlumlara arxa duracaq dari-fənadə,
Divan edəcək kafirü xunxar ilə Mehdi.
Hər kəs ki, Əli şiəsidir şad olar onda,
Birlik tapacaq böylə xiridar ilə Məhdi.
Zəhra qəbirin məlum edər ümmətə həm də,
Orda görünər sahibi-əsrar ilə Məhdi.
Meydanda Hüseyn ibni Əlidən aparar ad,
Kəlmə kəsəcək Əsğərə zəvvar ilə Məhdi.
Zeynəbdən ötür Şamə tərəf üz tutar əlbət,
Həmbəzm olacaq orda əzadar ilə Məhdi.
Soltan, bizə yar olsun o gün Xaliqi-Aləm,
Aşkarə çıxar firqeyi əbrar ilə Məhdi.