Sual: Həzrət Əli (ə) İmam Mehdinin  (ə.f) dünyaya gəlişi barədə xəbər veribmi? 

Sual: İmam Mehdinin (ə.f) doğulması barədə İmam Həsən (ə) xəbər veribmi?

Cavab: Bəli, bir hədisdə İmam Həsənin (ə) belə buyurduğu rəvayət olunmuşdur:

"Allah rəsulundan (s) sonra imamlar on iki nəfərdir. (Onlardan doqquz nəfəri) qardaşım Hüseynin nəslindəndir və bu ümmətin Mehdisi onlardandır” ("Biharul-ənvar”, c.36, səh.383).

Sual: İmam Mehdinin (ə.f) doğulması barədə İmam Hüseyn (ə) xəbər veribmi?

Cavab: Şeyx Səduq öz sənədinə əsasən, İmam Hüseynin (ə) belə buyurduğunu nəql etmişdir:

"Övladlarımdan doqquzuncusunda Yusifdən bir sünnə və Musa ibn İmrandan bir sünnə vardır. O, bizim Əhli-beytin Qaimidir. Allah-təbarək və taala onun işini bir gecədə düzəldəcəkdir” ("Kəmalud-din”, səh.317; "Biharul-ənvar”, c.51, səh.132-133).

Sual: İmam Səccad (ə) İmam Mehdi (ə.f) barədə nə deyib?

Cavab: İmam Zeynül-abidinin (ə) oğlu atasından soruşdu: 

–Ey ata! Nə üçün onu (qardaşımı) Baqir adlandırırsan?

Atam təbəssüm etdi. Mən bundan əvvəl onun (belə) təbəssüm etdiyini görməmişdim. Sonra dedi:

–Ey oğlum! Həqiqətən, bizim Qaimimiz qiyam edib zülm ilə dolan yer üzünü ədalətlə dolduracağı vaxta qədər imamət onun övladlarında (övladları vasitəsilə) olacaq. O, imam və imamların atasıdır, helmin mədəni, elmin mövzusu (mahiyyəti) və elmi yarandır. Allaha and olsun! Sözsüz ki o, insanlar arasında Allah Rəsuluna (s) ən çox oxşayanıdır.

Dedim:

–Ondan sonra imamlar neçə nəfərdir?

Dedi:

–  Yeddidir və axirəz-zamanda din ilə qiyamedəcək Mehdi (ə.f) onlardandır("Biharul-ənvar”, c.36, səh.388).

Cavab: Şeyx Səduq öz sənədinə əsasən, İmam Sadiqdən (ə) əhatəli bir hədis nəql etmişdir. Həmin hədisdə İmam (ə) belə buyurub:

"Şübhəsiz ki, övladlarımdan altıncısı tezliklə qeybə çəkiləcəkdir. O, Allah Rəsulundan (s) sonra hidayətedici imamlardan on ikincidir. Onların birincisi möminlərin əmiri Əli ibn Əbutalib, sonuncusu haqq ilə qiyam edən (Qaim), Allahın yer üzərində saxladığı (Bəqiyyətullah) və zamanın sahibidir (Sahibəz-zaman)..." ("Kəmalud-din", səh.33; "Biharul-ənvar", c.42, səh.79, hədis.8)

Yenə də öz sənədi ilə İmam Sadiqin (ə) belə buyurduğunu nəql etmişdir:

"Bütün imamları qəbul edib Mehdini (ə.f) inkar edən kəs elə bil ki, bütün peyğəmbərləri qəbul edib Muhəmmədin peyğəmbərliyini qəbul etməyən kəs kimidir". 

İmama (ə) deyildi: "Ey Allah Rəsulunun övladı! Övladlarından hansı Mehdidir (ə.f)?"

Dedi: "Yeddincinin (İmam Musa Kazimin) nəslindən olan beşincisi kimliyini sizdən gizlədən və adının çəkilməsi sizə icazə verilməyən kəsdir" ("Kəmaluddin-din", səh.333). 

 Yenə də bir hədisdə Əbu Bəsirin belə buyurduğunu nəql etmişdir:

İmam Sadiqə (ə) dedim: "Siz Əhli-beytdən olan Qaim kimdir?"

Dedi: "Ey Əbu Bəsir! Oğlum Musanın nəslindən olan beşinci şəxsdir. O, (öz zamanında) qadın bəndələrin seyidəsinin oğludur. O, qeybə çəkiləcək və batil əhli o (qeyb) barədə şəkkə düşəcəkdir. Uca və əzəmətli Allah onu aşkara çıxaracaq və onun əli ilə yer üzünün şərq və qərbini fəth edəcəkdir" ("Kəmalud-din", c.31, səh.345, "Biharul-ənvar", c.51, səh.146, hədis.14).

Sual: İmam Kazim (ə) İmam Mehdinin (ə.f) dünyaya gəlişi barədə nə deyib?

Cavab: Yunis ibn Əbdürrəhman deyir: Həzrət Musa ibn Cəfərin yanına daxil oldum və ərz etdim:

"Ey Allah elçisinin oğlu! Sən haqq ilə qiyam edənsən (Qaimsən)?” Dedi: "Mən haqq ilə qiyam edənəm, lakin yer üzünü Allah düşmənlərindən təmizləyən və onu zülm ilə dolduğu kimi ədalətlə dolduracaq olan Qaim övladlarımdan (nəslimdən) olan beşincisidir. Onun (Qaimin) müddəti uzanacaq qeyb dövrü var” ("E`lamul-vəra”, səh.433).

Yenə də Şeyx Səduq öz sənədi ilə Həzrət Musa ibn Cəfərin (ə) belə dediyini nəql etmişdir:

Yeddincinin (İmam Kazimin) övladlarından (nəslindən) beşincisi qeybə çəkildiyi zaman dininiz barədə Allahdan qorxun! (yəni dininizdən muğayat olun!) ("Kəmalud-din”, səh.359, hədis.1)

Sual: İmam Rza (ə) İmam Mehdinin (ə.f) dünyaya gəlişi barədə nə deyib?

Cavab: Hüseyn ibn Xalid bir hədisdə nəql edir ki, İmam Rzaya (ə) belə ərz olundu:

"Siz Əhli-beytdən qiyam edən (Qaim) kimdir?” Dedi: "Övladlarımdan (nəslimdən) dördüncüsü və qadın bəndələrinin seyidəsinin oğludur. Allah yer üzünü onun vasitəsilə hər bir haqsızlıqdan (zorakılıqdan) təmizləyəcək və oranı bütün zülmlərdən təmizləyərək müqəddəsləşdirəcəkdir. O, elə bir şəxsdir ki, insanlar onun doğulmasında şübhə edərlər və o, zühur etməmişdən əvvəl qeyb dövrünün sahibidir (zühur etməmişdən əvvəl qeybə çəkiləcəkdir)” ("Biharul-ənvar”, c.52, səh.321, hədis.29).

 Debel Xüzai deyir: Mövlam Əli ibn Musa Rza (ə) üçün bir qəsidə oxudum. Bu misralara çatdıqda: 

İmamın xürucu (zühur etməsi) sözsüz baş verəcəkdir

O, Allahın adı və xeyir duası ilə qiyam edəcəkdir

Bizim aramızdan bütün haqq və batili seçəcəkdir

Və nemətlərlə mükafatlandıracaq və müsibətlərlə cəzalandıracaqdır.

İmam Rza (ə) hönkürtü ilə ağladı. Sonra başını mənə tərəf qaldırıb dedi: "Ey Xüzai! Bu iki beytdə Ruhulqüds sənin dilinlə danışdı. Bəs sən bu İmamın kim olduğunu və nə vaxt qiyam edəcəyini bilirsənmi?” Dedim: "Xeyr, mənim mövlam, mən ancaq (bunu) eşitmişəm ki, sizdən bir imam xüruc (zühur) edəcək, yer üzünü fəsaddan təmizləyəcək və oranı ədalətlə dolduracaqdır”. Dedi: "Ey Debel! Məndən sonrakı imam oğlum Muhəmməddir, Muhəmməddən sonra oğlu Əlidir, Əlidən sonra oğlu Həsəndir, Həsəndən sonra oğlu qeyb dövründə intizarı çəkilən (müntəzər) və zühuru zamanı itaət olunacaq qiyam edən (Qaim) Höccətdir” ("Yənabiul-məvəddət”, c.3, səh.309, hədis.1; "Biharul-ənvar”, c.49, səh.237).

Sual: İmam Cavad (ə) İmam Mehdinin (ə.f) dünyaya gəlişi barədə nə deyib?