Bİr çox xəstəlikləri ac qalmaqla müalicə edən təkcə bu günün həkimləri deyil, keçmiş zamanlarda da bilikli həkimlər belə tapşırıqdan nəticə alıb xəstələri müalicə edirdilər. Sədi deyir:

Çalış az yeməklə peykərini boş saxla

Yalnız belə bir halda mərifət nurunu hiss edərsən

Beynində hikmətdən əsər əlamət olmaması

Xirtdəyədək yeməyindəndir.

      Çünki, bir çox xəstəliklərin səbəbi çox yemək ola bilər. Çox yemək və ya hesabsız yemək insanın qanında artıq yağ, şəkər və duz əmələ gəlməsinə səbəb olur. Nəticədə insanın vücudu müxtəlif xəstəliklərə hazırlıq əldə edir. O cümlədəndir: ürək xəstəliyi, qan azalması, bağırsaq vərəmi, artıq ət əmələ gəlməsi, dəri xəstəliyi, şəkər və duz xəstəliyi, böyrək və dalaq ağrısı və s. Həkimlər deyirlər ki, ancaq yağı, şəkəri və duzu azaltmaqla bu kimi xəstəliklərdən qurtulmaq olar.

        Bəs oruc tutmaq bədəndə nə təsir buraxır? Bədənin zibil kimi olan artıq maddələrini əridib aradan aparır və insanın həzm prosesini təmir edib təmizləyir. Bu məsələnin müasir tibb və həkimlik sahəsində gündən aydın olduğunu söyləməliyik. Lakin min dörd yüz il bunda öncə İslam peyğəmbəru buyurub: "Oruc tutun ki, sağlam olasınız.” O cümlədən buyurur: "Mədə bütün xəstəliklərin yuvasıdır, ac qalmaq onun ən böyük dərmanıdır.”

        İndi isə Allahın kəlamına üz tutaq. Allah-taala Quranda buyurur: "İnsan hələ bir yeməyinə baxsın!” (Əbəsə surəsi, ayə 24) Bəli, həqiqətən insan öz yeməyinə həm mənəvi həm də maddi cəhətdən baxmalıdır. İnsan öz yeməyinə baxmalıdır ki, onun halal qaydada və ya haram olduğunu, halal və ya haram qazancla hazırlandığını görsün. Yetim malı, rüşvətdən, sələmdən əldə edilən pulla hazırlanan yeməyin insanı bərbad vəziyyətə salmamasına nəzarət etməlidir.

        Hədislərimizdə var ki, rüşvətdən əldə edilən pul vəsaiti ilan qursağıdır. O cümlədən sələm alverçisi etdiyi əməllə Allah-taalaya müharibə elan etmiş olur. Allah-taala buyurur: "Ey iman gətirənlər, Allahdan qorxun və əgər imanınız varsa sələmin qalanından əl çəkin, əgər belə etməsəniz onda Allah və onun peyğəmbəri tərəfindən elan olunan müharibəyə yəqin edin...” (Bəqərə surəsi, ayə 278 və 279).

        Əziz oxucular, rüşvət pulunun nə üçün ilan qursağına bənzədildiyini bilirsinizmi? Çünki, ilan qursağı iki dəfə zəhərlənir. Birinci dəfə ilan yeyəndə, ikinci dəfə isə yediyini qaytaranda. Həzrət İmam Cəfər Sadiq əleyhissalam buyurur: Kim etdiyi duaların qəbul olmasını istəyirsə, gərək iş və peşəsini haramdan pak saxlasın. Başqa bir hədisdə buyurulur: Sələmdən hazırlanan yemək mədədə od kimidir. Şair necə də gözəl deyib:

Zahid, məni aldatma cəhənnəmdə od olmaz.

Onlar ki, yanırlar odu burdan aparılırlar.

Kitabın adı: Oruc

Müəllif: Seyyid Kazım Pərpənçi

Redaktor: Mir Cəfər Əyyubzadə