Kaş heç əvvəlcədən yanımda olmayaydılar!
Günlərin birində Həzrət İsa (ə) yerdə bir kəllə çanağı görür. Ayağı ilə ona yavaşca vuraraq buyurur ki, Allahın izni ilə dilə gəl de görək sən kim olmusan?
Kəllə Allahın izni ilə dilə gələrək deyir: "Ey Ruhullah, mən böyük bir hökmdar idim, bir gün taxtımda əyləşdiyim, qul-qaravaşım, döyüşçüərim də hüzurumda olduğu zaman ölüm mələyi sorağıma gəldi. Onu görcək ruhum bədənimdən ayrıldı, ətrafımdakılar da dərhal dağılışıb getdilər. Ey Allahın peyğəmbəri, kaş heç əvvəlcədən yanımda olmayaydılar!"
Namazda fikrimi yayındıracaq bağ nəyimə gərəkdir?
Əbu Təlhə Ənsarinin çox gözəl bir bağı var idi. Günlərin birində həmin bağda namaz qılarkən gözəl bir quş cəh-cəh vurmağa başlayır. Quşun cəh-cəh sədası fikrini namazdan yayındırdığı üçün öz-özünə deyir ki, namazda fikrimi yayındıracaq bağ nəyimə gərəkdir? Buna görə də bağı satıb bütün pulunu yoxsullara paylayır.
Kitabın adı: Meracus səadə
Müəllif: Şeyx Əhməd Nəraqi