Zənginlər Cənnəti əlimizdən alıblar
Yoxsul səhabələr yığılıb bir nəfəri Həzrət Peyğəmbərin (s) hüzuruna göndərirlər. O gəlib deyir ki, mən yoxsulların göndərdiyi qasidəm.
Həzrət buyurur: "Eşq olsun sənə və qasidi olduğun şəxslərə! Sən elə insanların yanından gəlmisən ki, mən onları çox sevirəm."
Qasid deyir: Yoxsullar deyirlər ki, zənginlər Cənnəti əlimizdən alıblar, Həccə və Ümrəyə gedir, bizim isə maddi durumumuz buna imkan vermir, mal-dövlətlərindən axirət yolunda xərclədikləri halda bizim belə bir imkanımız yoxdur.
Həzrət onun cavabında buyurur: Mənim adımdan yoxsullara de ki, Allah zənginlərə vermədiyi üç xisləti az ruzisinə qane olub səbr edən yoxsula verər. Birincisi odur ki, Cənnətdə gözəl bəzədilmiş otaqlar var, yer əhli ulduzlara tamaşa etdiyi kimi Cənnət əhli də həmin otaqlara tamaşa edəcək. O otaqlara yoxsul Peyğəmbər, yoxsul şəhid və yoxsul mömindən başqa heç kim daxil olmayacaq. İkincisi odur ki, yoxsullar zənginlərdən beş yüz il qabaq Cənnətə daxil olacaqlar. Üçüncüsü də, odur ki, zənginlə yoxsul hər ikisi "Subhanəllahi vəlhəmdu lillahi və la ilahə illəllahu vəllahu əkbər" dedikdə zəngin yoxsula Allah xatirinə on min dirhəm bağışlasa da onun qazandığı savabı qazana bilməz. Digər bütün əməllər də eyni ilə belədir". Qasid yoxsulların yanına qayıdıb Peyğəmbərin (s) buyurduqlarını onlara çatdırdıq da hamısı razı qalır
Kitabın adı: Meracus səadə
Müəllif: Şeyx Əhməd Nəraqi