129. İxlas
614. İxlas
Qur’an:
«(Şeytan) Dedi:Sənin izzətinə and olsun ki, onların arasından Sənin seçilmiş və ixlasla ibadət edən bəndələrindən başqa hamısını azdıracam…»
Hədis:
1869. İmam Əli (ə):«İxlas dinin ən yekun dərəcəsidir.»
1870. İmam Əli (ə):«İxlas (Allaha) yaxın olan kəslərin ibadətidir.»
1871. İmam Əli (ə) :«İxlas ibadətin ölçü və me‘yarıdır.»
1872. İmam Əli (ə) :«İxlas imanın zirvəsidir.»
1873. İmam Əli (ə):«Nicat və xilas ixlasdadır.»
1874. İmam Əli (ə) :«Xoş o kəsin halına ki, əməli və elmi, dostluğu və düşmənçiliyi, götürməyi və qoymağı, nitqi və sükutu, əməli və danışığı yalnız Allah üçün ola.»
615. İxlasın çətin olması
1875. İmam Əli (ə):«Əməli xalisləşdirmək əməlin özünü yerinə yetirməkdən çətin, əməl edənlər üçünsə niyyəti fəsaddan və qarışıqdan təmizləmək uzunmüddətli cihaddan daha ağırdır.»
1876. İmam Səccad (ə):«Əməl xalisləşənədək onda sabitqədəm olmaq əməlin özündən çətindir.»
616. İşin az, amma ixlasla olmasının kifayət etməsi
1877. «əl-Kafi» kitabından: Allah-taalanın Musaya (ə) kəlamlarından:«Ey Musa! Mənə xatir görülən hər bir işin azı çox, Məndən qeyrisi üçün yerinə yetirilən işin çoxu azdır.»
1878. Allahın Peyğəmbəri (s) :«Qəlbini xalis et, az iş sənə kifayət edər.»
Kitabın adı: Mizanul – hikmət (xülasəsi) 1-ci cild