"Hüseynə yerlər ağlar, göylər ağlar”
Bətulo Mürtəza, Peyğəmbər ağlar.
(Məmmədhüseyn Şəhriyar)
Hüseynin novhəsin (Dilriş) yazanda
Müsəlman səhldir ki, kafər ağlar.
***
Kor olmuş gözlərin qan tutdu Şimrin,
Ki görsün öz əlində xəncər ağlar.
***
Hüseynin köynəyi Zəhra əlində
Çəkər qeyha-qiyamət, məhşər ağlar.
***
Atanda Hərmələ ox Kərbəladə
Görəydin düşmən ağlar, ləşgər ağlar.
***
Rübab nisgil döşündə süd görəndə
Əliyyi Əsğəri yad eylər ağlar.
***
Başında kakili Əkbər həvasi,
Yel ağlar, sünbül ağlar, ənbər ağlar.
***
Yazanda Ali-Taha növhəsin mən,
Qələm gördüm sızıldar, dəftər ağlar.
***
Əli, şəqqül-qəmər, mehrab tilit qan,
Qulaq ver, məscid oxşar minbər ağlar
***
Əlidən, Şəhriyar, sən bir işarə
Qucaqlar qəbri, Malik Əştər ağlar.