Şeyx Tusi buyurur: "Duaların qəbul olunma vaxtı, cümə gününün axırıncı saatından gün batana qədərdir. Çox yaxşı olar ki, bu saatda çoxlu dua olunsun. Rəvayət olunmuşdur ki, günün yarısı batıb yarısı görünən vaxt dualarının qəbul olunan vaxtıdır. Həzrət Zəhra (səlamullahi ələyha) o zaman dua edərdi. Deyilən vaxtda dua etmək müstəhəbdir. Duanın müstəcab olunan vaxtı Həzrət Peyğəmbərdən nəql olunan aşağıda qeyd edəcəyimiz duanı oxumaq müstəhəbdir:
Sən bütün eyib və nöqsanlardan pak və uzaqsan. Səndən başqa tanrı yoxdur. Ey minnət və nemət sahibi, ey səmaları və yeri yaradan, ey calal və böyüklük sahibi!
32. Cümə gününün sonunda "Simat” duasını oxusun. (Bir neçə səhifədən sonra qeyd olunacaq). Cümə günü İmam Zamana məxsusdur. Bilin ki, cümə günü bir neçə cəhətdən Sahibəzzəman, İmaməl-muntəzər Əba Salihəl-Məhdi ələyhissalama məxsusdur. 1. O Həzrət cümə günü dünyaya gəlmişdir. 2. Həmçinin cümə günü zühur edəcək. O həzrətə məxsus olan ziyarətdə (sonradan qeyd olunacaq) belə oxuyuruq: "Haza yəvmul cumuəti və huvə yəvmukəl mutəvəqqəu fihi zuhuruk, vəl fərəcu fihi lil mu`mininə əla yədik”. (Ey mənim mövlam və sahibim! Bu gün cümə günüdür, bu gün sənin günündür və sənin zühurun bu gündə gözlənilir və bu gündə möminlər sənin əlinlə (və sənin zühuruna görə) fərəc və nicat tapacaqlar). Hamımızın bildiyimiz kimi, müsəlmanların böyük bayramları dörddür və cümə günü bu dörd böyük bayramdan biri hesab olunur. Cümə gününün böyük bayramlardan biri olmasının səbəbi bəlkə də imamın o gündə zühur edib, yeri zülm-sitəm, fisq-fəsad və günahdan paklamasına görədir. Bu gün "Kəbir salavat”ı və İmam Rza ələyhissalamın, İmam Zamana məxsus buyurduğu duanı oxumaq çox yaxşı olar. O dua, sonradan «Ziyarətlər» bölməsinin axırında "Sərdabın əməlləri”nin sonunda təfsilatı ilə qeyd olunduğu üçün burada zikir olunmur və o dua belə başlanır: "Əllahummədfə ən vəliyyikə və xəlifətikə...”
Kitabın adı: Məfatihul Cinan