2. Dünya həyatı ilə Bərzəx arasındakı əlaqə
Bu dəlillər bizə imkan verir ki, tam yəqinliklə ruhlarla əlaqənin mümkünlüyünə inanaq. O
ki,qaldı bu barədə olan hədislər və rəvayətlərə, burada yalnız bəzilərini nəql etməklə
kifayətlənirik:
1. Rəvayət olunmuşdur ki, əziz İslam peyğəmbəri Bədr çölündə müharibədə öldürülmüş
müşriklərin başları üstə dayanaraq onları bir-bir səsləyib belə müraciət etmişdir: "Ey filan ibn
filan..., rəbbimizin bizə verdiyi vədəsinin haqq olduğunu gördük! Siz də öz rəbbinizin sizə
verdiyi vədənin haqq olduğunu gördünüzmü?!” Ömər peyğəmbərə deyir: "Ey Allahın rəsulu,
ruhları olmayan cəsədləri danışdırmağınız nə deməkdir? Allahın rəsulu belə buyurur: "And olsun Muhəmmədin canı əlində olan varlığa, siz, onlara dediyim sözləri onlardan daha yaxşı
eşitmirsiz...!” Həmçinin rəvayət olunmuşdur ki, İmam Əli (ə), Cəməl döyüşü qurtarandan sonra
düşmən tərəfdən öldürülmüş şəxslərin yanından keçərkən gözü Bəsrə şəhərinin qazisi Kəb
ibn Şura sataşır və ətrafdakılara əmr edir ki, onu otuzdursunlar. İki nəfər onu oturmuş halda
saxladılar, halbuki o, ölmüş idi. İmam Əli (ə) ona üz tutaraq belə buyurdu: "Ey Kəb ibn Şur,
rəbbimin mənə verdiyi vədənin haqq olduğunu gördüm! Sən də rəbbinin sənə verdiyi vədənin
haqq olduğunu gördünmü?!” Sonra əmr etdi ki, onu uzatsınlar. Döyüş meydanında bir az
gəzişdikdən sonra Təlhə ibn Übeydullahın cəsədini gördü. Ətrafdakılara onu otuzdurmağı
əmr etdi. Ona üz tutaraq belə buyurdu: "Ey Təlhə ibn Übeydullah, rəbbimin mənə verdiyi
vədənin haqq olduğunu gördüm! Sən də rəbbinin sənə verdiyi vədənin haqq olduğunu
gördünmü?!” Sonra onu uzatmağı əmr etdi. Bir nəfər təəccüblə ona dedi: "Ey möminlərin
əmiri, bu iki ölü ilə danışmağının mənası nədir, halbuki onlar səni duymurlar?!” İmam (ə)
ona belə cavab verdi: "Ey kişi, and olsun Allaha ki, dediklərimi eşitdilər, necə ki, Bədrdə
öldürülmüş müşriklər peyğəmbərin sözlərini eşitmişlər.” Bunlardan əlavə məzhəbin müxtəlifliyinə baxmayaraq hər bir müsəlman gündəlik
namazlarında peyğəmərə salam göndərərk belə deyir: "Allahın salamı, rəhməti və bərəkəti
Sənə olsun, ey peyğəmbər!” Əgər peyğəmbər həyatını dəyişməsi ilə onunla əlaqəmiz
kəsilmişdirsə, onda ona müraciət edərək salam verməyimizin nə mənası vardır?! Namazda
göndərilən salam peyğəmbərin müqəddəs ruhu ilə əlaqə yaradılmasının mümkünlüyünü
sübuta yetirir.
Əhli sünnətin əsas mənbələrində bu mətləbə dəlalət edən bir çox hədislər vardır. Bu
hədislərin birində peyğəmbər Aişəyə buyurur ki, Bəqi məqbərəsini ziyarət edərkən belə
desin: "Salam olsun müsəlman və möminlərdən ibarət diyar əhlinə. Allah bizdən əvvəlkilərə
və sonra gələnlərə rəhmət eləsin.”
Başqa bir hədisdə isə belə gəlmişdir: "Salam olsun mömin tayfaya. Həqiqətən də biz və
sizlər bir gün bir-birimizlə görüşünlərdənik. Biz, inşallah, sizlərə qovuşacağıq. Allah Bəqi
əhlini əfv etsin. Bu və buna oxşar hədislər çox az müxtəlifləyinə baxmayaraq Əhli sünnət alimlərinin hədis
kitablarında gəlmişdir. İndi isə peyğəmbərin ona salam göndərilməsi barəsində bir neçə
hədisi xatırlayırıq: "Allahın yer üzünü dolaşan mələkləri mənə öz ümmətimin salamını yetirər.”
"Mənə salam göndərən hər bir kəsə cavab olaraq Allah təala ruhumu bədənimə qaytarar ki,
onun salamını verim.”
"Hər kim qəbrim üstə mənə salavat göndərsə onu eşidər və hər kim uzaqdan salavat
göndərsə mənə çatdırılar.”
"Mənə salavat göndərin. Çünki siz harda olursunuz olun salavatınız mənə yetişir.”
"Hər kim məni vəfatımdan sonra ziyarət edə və salam göndərə əvəzində on dəfə ona salam
göndərərəm. Həmin adamı salam deyə-deyə on mələk ziyarət edər. Və hər kim mənə evdə
salam göndərsə, Allah mənim ruhumu ona salam vermək üçün qaytarar.”
Ardı var... 
Kitabın adı: İslam şəriətində təvəssül məfhumu
Müəllif: Əllamə Cəfər Sübhani
Admin: 3
Redaktor: 4
Sayt nəzarətçisi: 7
VİP: 1
İstifadəçi: 6704
Bu gün: 0
