Cənab Şeyx bir dəfə buyururdu:
Bir gecə gördüm ki, zülmət pərdələri vücudumu bürüyüb.(Məqsəd batini zülmət və ruhun qaranlığıdır)
Öz məhbubuma (Allaha) yol tapa bilmirəm. Araşdırma apardım ki, görəsən bu hicablar haradan yaranıb. Təvəssül edib çoxlu axtarış apardıqdan sonra mə᾽lum oldu ki, bu, keçən gecə övladımın gözəl və rə᾽na qiyafəsini görməklə atalıq məhəbbətinin coşmasının nəticəsidir. Mənə deyildi:
Onu Allaha görə istəməlisən. Mən də bu işdən peşman olub istiğfar etdim.
Qidanın zülməti
Şeyxin müridlərindən biri belə nəql edir:
Şeyx dostlarından birinin evində təşkil olunmuş yığıncaqda söhbətə başlamazdan əvvəl özündə zəiflik hiss edib bir qədər çörək istəyir. Evin sahibi bir lavaşın yarısını gətirir və o da yeyib söhbətə başlayır.
Sonrakı gecə Şeyx buyurur: Keçən gecə imamlarımıza (ə) salam verdim, lakin onları görmədim. Təvəssül etdim ki, görəsən bunun səbəbi nədir?! Mə᾽na aləmində deyildi:
O çörəyin yarısını yediyin zaman bədənindəki zəiflik aradan qalxdı. Bəs nə üçün ikinci hissəsini də yedin?!
Bədənin təbii ehtiyaclarını tə᾽min olunması qədər yeməyin eybi yoxdur. Lakin ondan artıq yeyilməsi ruhun zülmətə düşməsinə səbəb olur.
Kitabın adı: Məhəbbət iksiri
Müəllif: Məhəmməd Reyşəhri