"Fatihə"ni Özümlə bəndələrim arasında iki hissəyə böldüm
İmam Həsən Əskəri atalarından onlar da Hz. Əlidən Peyğəmbərin (s) belə buyurduğunu nəql etmişlər:
"Allah təala belə buyurur:
"Fatihə"ni Özümlə bəndələrim arasında iki hissəyə böldüm. Yarısını Özümə, yarısını bəndələrimə ayırdım. Bəndəm nəyi tələb etsə əldə edəcək.
Bəndə "Bismillahir-rəhmanir-rəhim" dedikdə Allah-təala belə buyurar:
"Bəndəm işinə mənim adımla başladı, işlərini tamamlamalı və onu bərəkətləndirməyim mənə vacibdir."
Bəndə "əl-hamdu lillahi rabbil-aləmin" (Həmd aləmlərin Rəbbi olan Allaha məxsusdur) dedikdə Allah-təala belə buyurar:
"Bəndəm Məni təriflədi əlində olan nemətlərin Məndən olduğunu, üz verən bəlaların Mənim qüdrətimlə olduğunu bildi. Siz də şahid olun ki, Mən də axirət nemətlərini dünya nemətlərinə əlavə edirəm və dünya bəlalarını rədd etdiyim kimi ondan axirət bəlalarını da dəf edərəm."
Bəndə "ər-Rəhmanir-rəhim" dedikdə isə Allah-təala belə buyurar:
Bəndəm Mənim Rəhman və rəhim olduğuma şahidlik etdi. Mən də ona rəhmətimdən daha çox pay verəcək və lütfümdən ona daha çox faydalandıracağam".
Bəndə "Malikiyavmid-din" (Din gününün sahibi) deyincə Allah-təala belə buyurar:
"Sizdə şahid olun ki, o Mənim Qiyamət gününün maliki olduğumu etiraf etdi, buna görə Mən də Qiyamətdə onun hesabını asanlaşdırar və pisliklərini bağışlayaram."
Bəndə "İyyakə nəbudu" (Yalnız Sənə ibadət edirik dedikdə Allah-təala buyurar:
"Bəndəm doğru söyləyir, yalnız Mənə ibadət edir. Şahid olun ki, bu ibadətlərinə görə ona qibtə ediləcək, özünün qibtə edəcəyi savabları verərəm."
Bəndə "İyyakə nəstəin" (Yalnız Səndən kömək diləyirik) deyincə Allah-təala buyurur:
"Bəndəm Məndən kömək istəyir və Mənə sığınır. Şahid olun ki, Mən də işlərində ona köməkçi olacağam. Çətinliklərdə imdadına çatacağam və ağır gündə əlindən tutacağam".
Bəndə "İhdinəs-siratəl-müstəqim" (bizi doğru yola hidayət et) dedikdə və surənin sonuna qədər oxuduqda Allah-təala belə buyurar:
"Bu istəkləri qəbul edilmişdir. Bəndəm nəyi istəsə o olacaq. Bəndəmin dualarını qəbul etdim, arzu etdiyi şeyləri ona lütf etdim. Onu qorxulu şeylərdən amanda qərar verdim."
İmam Həsən Əskəri belə buyurdu:
"Əmirəl-möminindən "Bismillah" "Fatihə" surəsinin bir hissəsidir ya yox?" deyə soruşduqda buyurdu: "Bəli Peyğəmbərdə onu oxuyur və surənin bir hissəsi sayırdı. Həmçinin belə buyururdu: "Fatihə" surəsi Səbul-Məsanidir (Təkrarlanan yeddi)".
Kitabın adı: İmam Rzanın hədis bağçasından seçmələr
Admin: 3
Redaktor: 4
Sayt nəzarətçisi: 7
VİP: 1
İstifadəçi: 6734
Bu gün: 2
