Yuxu yozmalari-Ö hərfi üzrə
ÖLÇMƏK
Həzrət Sadiq əleyhissəlam buyurur: «Yuxuda bir şeyin miqdarını tərəzilə çəkmək dörd yerə yozulur:
1.Doğru-düzgün hökm. 2.Yaxşılıq. 3.Mühakiməyə ehtiyac. 4.Hakimlik kürsüsünə əyləşmək.
Həmçinin əgər yuxuda bir şeyin çəkisini düzgün çəkmədiyini görsə, bu halda yuxu deyilənlərin əksinə yozulacaq».
ÖSKÜRMƏK
Həzrət Sadiq əleyhissəlam buyurur: «Əgər bir şəxs yuxuda öskürdüyünü görsə, ona padşah tərəfindən əzab-əziyyət, məşəqqət yetişəcək».
ÖLDÜRMƏK
Həzrət Sadiq əleyhissəlam buyurur: «Yuxuda mal-qara ya yırtıcı heyvan və yaxud bir həşərat öldürdüyünü görən şəxs düşməninə qələbə çalacaq».
ÖRDƏK
Həzrət Sadiq əleyhissəlam buyurur: «Yuxuda ördək görməyin dörd yozumu var:
1.Mal. 2.Yüksəklik. 3.Rəyasət. 4.Hökmranlıq».
ÖLÜ
Həzrət Sadiq əleyhissəlam buyurur: «Əgər yuxuda ölü onu ağuşuna alsa səhhəti yaxşılaşacaq. Əgər ölü öz qohumlarından razı və şaddırsa yuxunun yozumu əksinədir. Əgər qohumlarından vəfat etmiş bir adam onunla mübahisə etsə və yaxud ondan üz çevirsə, bu ölünün vəsiyyətinə əməl olunmadığına işarədir. Əgər ölünün namaz qıldığını görsə, deməli dünyada çoxlu istiğfar (Allahdan bağışlanmaq diləmək) etmişdir».