379. Təmizlik
1725.Təmizliyə təşviq.
6151.Allahın Peyğəmbəri (s): «Allah pakdır və pak şəxsi sevir, təmizdir və təmizliyi sevir.»
6152.Allahın Peyğəmbəri (s): «Bu bədənləri təmizləyin, Allah sizi təmizləsin. Çünki hansı bəndə gecə təmiz bədənlə yatsa, onunla paltarı arasında bir mələk yatar və gecənin hansı saatında o tərəf-bu təfərə çevrilsə, həmin mələk deyər: Allahım! Bəndəni bağışla. Çünki o, təmiz bədənlə yatıb.»
6153.Allahın Peyğəmbəri (s): «Nə pisdir çirkli və qarmaqarışıq bəndə.»
6154.Allahın Peyğəmbəri (s): «Çirkli adamlar məhv olarlar.»
6155.Allahın Peyğəmbəri (s)–(bir kişini qarmaqarışıq saç, çirkli paltar və səliqəsiz vəziyyətdə görəndə):–«Allahın nemətlərindən istifadə etmək və neməti üzə çıxarmaq dindəndir.»
6156.Allahın Peyğəmbəri (s): «Toz-torpağı qapının dalına yığmayın. Çünki o, şeytanın yuvası olur.»
6157.Allahın Peyğəmbəri (s): «Zibili gecə öz evinizdə saxlamayın, onu gündüz evinizdən çıxarın. Çünki zibil Şeytanın oturaq yeridir.»
6158.Cabir ibn Abdullah: «Allahın Peyğəmbəri (s) bizim yanımıza gəldi. Gözü saçları qarmaqarışıq olan bir kişiyə sataşdı. Buyurdu: Məgər bu kişi öz saçlarını səliqəyə salmağa bir şey tapmadı? (O Həzrət) Əynində çirkli paltar olan digər bir kişini gördü. Buyurdu: Məgər bu kişi paltarlarını yumağa su tapmayıb?»
6159.İmam Əli (ə): «Başqalarını narahat edən xoşagəlməz iydən özünüzü su ilə təmizləyin. Özünüzə (üst-başınıza) baxın. Çünki Allah-taala özünün çirkli və laqeyd bəndələrinə, onunla bir yerdə oturan hər bir kəsin burnunu tutub bezdiyi kimsəyə nifrət edir.»
6160.İmam Əli (ə): «Otaqlarınızı hörümçək torundan təmizləyin. Çünki onu evdə saxlamaq yoxsulluq gətirir.»
6161.İmam Baqir (ə): «Otaqları süpürmək yoxsulluğu aradan götürür.»
6162.İmam Sadiq (ə): «Qabı yumaq və evin qapısının ətrafını süpürmək ruzinin cəlb olunmasına səbəb olur.»
1726.İslam və təmizlik.
6163.Allahın Peyğəmbəri (s): «İmkanınız çatan bütün vasitələrlə özünüzü təmizləyin. Çünki Allah-taala İslamı təmizlik üzərində qurub və Cənnətə yalnız təmiz şəxs gedəcəkdir.»
6164.Allahın Peyğəmbəri (s): «Allah təmizkar abidi sevir.»
6165.Allahın Peyğəmbəri (s): «Paltar geyinən hər bir kəs onu təmiz saxlamalıdır.»
6166.İmam Əli (ə): «Təmiz paltar qəm-kədəri aradan aparır və namazın paklıqlarındandır.»
6167. İmam Rza (ə): «Təmizlik peyğəmbərlərin xüsusiyyətlərindəndir.»
Kitabın adı: Mizanul-Hikmət 2-cild (xülasəsi)
Admin: 3
Redaktor: 4
Sayt nəzarətçisi: 7
VİP: 1
İstifadəçi: 6678
Bu gün: 0
