367. Mələklər
1648. Mələklərin yaradılması
Qur‘an
«Həmd olsun göyləri, yeri, iki, üç, dörd qanadlı mələkləri elçi göndərən Allaha! Məxluqatda istədiyini artırar. Çünki Allah hər şeyə qadirdir.»
Hədis:
5826. İmam Əli (ə): «Sonra Pak olan Allah öz səmalarında yerləşdirmək və Özünün uca qeyb aləminin səmasını abadlaşdırmaq üçün misli görünməmiş, heyrətamiz varlıqları, yəni mələkləri yaratdı.Mələklərin vasitəsilə səmaların geniş yollarının çatlarını doldurdu, səmaların fəzaları arasındakı məsafəni onlarla aşırıb daşırdı.»
5827. İmam Sadiq (ə): «Allah mələkləri nurdan yaratdı.»
5828. İmam Sadiq (ə): «Allah mələklərdən daha çox olan heç bir varlıq yaratmamışdır.»
5829. İmam Sadiq (ə): «Canım onun əlində olana and olsun ki, səmalarda olan mələklərin sayı yerdə olan torpağın (zərrələrinin) sayından çoxdur. Səmada bir qarış da yer yoxdur ki, orada mələklər Allaha təsbih deməsinlər. Yer üzündə elə
bir ağac və torpaq yoxdur ki, ona təyin edilmiş bir mələk olmasın.»
1649. Mələklərin sifətləri
5830. İmam Əli (ə) (Mələkləri vəsf edərkən): «Onlar yaradılmışlardan Səni ən çox tanıyanı, Səndən ən çox qorxanı və Sənə ən yaxın olanlarıdır. Nə (kişilərin) bellərdə, nə də uşaqlıqlarda olmayıb, murdar sudan yaradılmayıb, ruzigarın hadisələrindən pərişan olmayıblar. Onlar Sənin yanındakı məqam və mənzillərinə, bütün vücudları Sənə eşq olmalarına, Sənə ibadətlərinin çoxluğuna, Sənin işlərindən qəflətlərinin azlığına baxmayaraq Sənin onlardan gizlin olan həqiqətlərini və zatını görsələr, şübhəsiz öz əməllərini kiçik sayarlar.»
5831. İmam Sadiq (ə): «Mələklər nə yeyir, nə içir və nə də evlənirlər. Onlar ərşin yeli ilə yaşayırlar.»
1650. Qoruyan mələklər
Qur‘an
«Bəndələrinə hakim (və qalib) olan Odur. Sizinçün gözətçilər göndərdi ki, birinizin ölümü çatanda onun canını alsın. Onlar bu işdə heç bir əksikliyə yol verməzlər.»
Hədis:
5832. İmam Baqir (ə) («İnsan üçün, onu öndən və arxadan təqib edən mələklər vardır. Onlar insanı Allahın əmri ilə qoruyurlar.» ayəsi haqda): «Allahın əmri ilə onu quyuya düşməkdən, ya başına divar uçmaqdan və ziyandan qoruyurlar. Ancaq elə ki, əcəli çatdı, onu əcəli ilə tək qoyub müqəddəratına doğru qovurlar. Bu təqib edənlər, onu gecələr qoruyan iki
mələkdən və gündüzlər mühafizə edən iki mələkdən ibarətdir. Bu işi də növbə ilə görürlər.»
5833. «Təfsirəl Qommi»: «Sizin üstünüzdə gözətçi mələklər» (Məsum (ə)) Buyurdu: «Yəni, insan üçün təyin olunmuş iki
mələk, «yazan və çox hörmətli olan mələklər» vardır. (Yəni) Yaxşı və pis əməlləri yazan mələklərdir.»
1651. Mələklərin girmədikləri evlər
5834. Allahın Peyğəmbəri (s): «Cəbrayıl (ə) mənim yanına gəlib dedi: Ey Məhəmməd! Dişlərinə misvak vurmadığınız, su ilə
təharət etmədiyiniz və pis barmaqlarınızı yumadığınız halda, mələk necə yanına gəlsin?»
5835. İmam Baqir (ə): «Cəbrayıl dedi: Ey Allahın Peyğəmbəri! Biz orada insan təsviri olan otağa, sidik olan yerə və itin olduğu evə girmərik.»
Kitabın adı: Mizanul - hikmət (xülasəsi) 2-ci cild
Admin: 3
Redaktor: 4
Sayt nəzarətçisi: 7
VİP: 1
İstifadəçi: 6678
Bu gün: 0
