İnsanin ən acizi dost tapmaqda aciz olan, ondan da acizi isə qazandığı bir dostu itirən kəsdir.
Sizə müəyyən nemətləri çatanda şükrün azlığı ilə onun ardını özünüzdən uzaqlaşdırmayın.
Ən yaxın qohumları tərəfindən tərk edilən şəxsə (onun köməyinə) çox uzaq olan yad kimsə (onunla heç bir qohumluğu olmayan şəxs) çatar.
Fitnə və bəlaya düçar olan hər kəsi məzəmmət etmək olmaz.
İşlər, qəza-qədərə elə ram və tabedir ki, ölüm, (bəzən) tədbir tökmək və uzaqgörənlikdə olur. (yəni, insan onu gözləyən taledən və hadisələrdən xəbərdar olmadığı üçün öz tədbirinə və düşüncəsinə tam arxayın olmamalıdır. Çünki bu arxayınlıq onun həlakına səbəb ola bilər.)
Hər kim arzusunun dalınca qaçaraq cilovunu buraxsa, ölüm onun ayağını sürüşdürər, (ölüm onu haqlayar və o, arzusuna çatmadan ölər. Buna görə də uzun-uzadı arzulara qapılmayın və ölümdən qafil olmayın!)
Comərdlərin səhv və xətalarından keçin. Çünki onların ayaği büdrəyən kimi, Allah onların əlindən tutur və qaldırır.
Qorxu ziyanla, həya (utancaqlıq) isə ümidsizliyə yoldaşdır. Fürsət, bulud kimi ötəri keçir. Buna görə də gözəl fürsətləri əldən çıxarmayın.
(İmam Əli (ə) xilafətin onun əlindən çıxarılması barədə buyurub:) Bizim bir haqqımız vardır. Bəs əgər onu bizə versələr, alacağıq və əgər verməsələr, bu səyahət və gecə səfəri uzun olsa belə, dəvələrin tərkinə minəcəyik.
İmam Əlidən (ə) (xilafəti dövründə saqqalını rəngləməməsinin səbəbini dolayısıyla öyrənmək üçün) Həzrət Peyğəmbərin (s) "qocalığı dəyişdirin (yəni saqqalınızı rəngləyin) və özünüzü yəhudilərə oxşatmayın" göstərişinin mənasını soruşdular. O buyurdu: Peyğəmbər (s) bu sözü din əhli az olan zaman buyurub. Buna görə də (müsəlmanlara əmr etdi ki, yəhudilərdən fərqlənmələri üçün saqqalllarını rəngləsinlər. Amma) hazırki zamanda dinin qayışı genişləndiyi (İslam dini geniş yayıldığı və müsəlmanların sayı çoxladığı) və sinəsini yerə qoyduğu (din təsbitləşdiyi və möhkəmləndiyi üçün) hər kişi öz ixtiyarındadır.)
Mənbə: "İmam Əli (ə) xatirələri" kitabı
Admin: 3
Redaktor: 4
Sayt nəzarətçisi: 7
VİP: 1
İstifadəçi: 6678
Bu gün: 0
