Fədək
Bismillahir-rəhmanir-rəhim
Fədək yer adıdır. Bu yer Xeybərin yaxınlığındadır. Fədək munbit torpağa malik olubdur. Orada qala və həmişə su ilə dolu bir bulaq var idi. Fədəyin xurma bağları, Xeybərinkindən çox idi. Orada yəhudilər yaşayırdılar. Onlar Xeybərdə yaşayanlarla əlaqə saxlayırdılar. Fədək fəth olunan zaman onların rəisi Yuşə ibn Nun adlı bir kişi idi. O yer ilk dəfə orada yurd salan Fədək ibn Hamın adınadır. Fədək bağları Mədinənin şimal tərəfində yerləşir və indi də həmin bağlar qalır.
Peyğəmbərin (s) və Əmirəl-möminin (ə)-ın vasitəsi ilə Fədəyin fəth olunması
Hicrətin 7-ci ilində,Xeybərin fəthindən sonra təqribən Peyğəmbərin (s) vəfatından 4 il qabaq Cəbrail nazil oldu.O,Fədəyin fəth olunması hökmünü Allah tərəfindən Peyğəmbərə (s) çatdırdı. Bu hökümdə açıq-aydın əmr olunmuşdu ki, Fədəyin fəthi yalnız Peyğəmbər (s) və Əmirəl-möminin (ə) vasitəsi ilə icra olunmalı, müsəlmanlar isə bu işdə iştirak etməməlidirlər.
Peyğəmbər (s) və Əli (ə) lazım olan silahlarla silahlandılar. Öz atlarına minib gecənin zülmət qaranlığında qoşundan ayrıldılar. Xeybərdən hərəkət edib Fədək torpağına çatdılar. Hər ikisi Fədəyin qalasının kənarında dayandılar.
İki nəfərin bir qalanı fəth etməsi adi bir iş deyildi. Bu iş dəqiq plan və məharətlə icra olunmalı idi. Allah-təala həmişəki kimi Peyğəmbərin (s) işini öz qaydasında qələbəyə doğru aparırdı.
Fədək xalqı Xeybərin böyük qalasının fəth olunmasını eşitdilər. Onlar vəhşət içində Fədəyin qalasına sığınmış və qalanın qapılarını möhkəm bağlamışdılar. Gecədən sübhədək iztirab içində qərq olmuşdular.
Qalanın içində yaranmış belə bir şəraitdə Peyğəmbər (s) və Əli (ə) qalanın yanına çatdılar. Adi surətdə qalaya daxil olmaq üçün heç bir yol yox idi. Baqa bir tərəfdən də içəridə olanlar qalanın çölündə kiminsə olmasını bilməməliydilər.
O iki həzrət qərara aldılar ki, gizlin surətdə qalanın divarından onun damına çıxıb uca səslə azan desinlər. Belə olan surətdə qalada olanlar elə biləcəklər ki, qala muhasirəyə alınıb və fəth olunubdur.Bu vaxt onlar qaladan çıxıb qaçacaqlar. Nəhayət qala rahatcasına ələ keçəcək.
Əmirəl-möminin (ə) Peyğəmbərin (s) çiyninə çıxdı. Sonra Peyğəmbər (s) ayağa qalxıb onu yuarı qaldırdı. Əmirəl-möminin (ə) İlahi möcüzə ilə Fədək qalasının damına çıxdı. Həzrət qalanın üstünə çıxandan sonra üzünü qalanın içəri hissəsinə tutub uca səslə azan verdi. "Allahu əkbər"səsi qalanın içində ucaldı.
Qalada olanlar elə bildilər ki, müsəlmanlar qalanın üstündədirlər. Onlar, qalanın qapısına sarı qaçdılar. Qalanı açıb qaladan çıxaraq ətrafa dağılışdılar.
Əmirəl-möminin Əli (ə) qalanın divarından aşağı endi. Peyğəmbər (s) qalanın çölündə Əli (ə)-ı gözləyirdi. Həzrət Əli (ə) Peyğəmbərlə birlikdə onlarla üzbə-üz gəldilər. Döyüş başlandı. O iki həzrət düşmənin 18 nəfər cəngavərini öldürdülər. Nəhayət,o nların qalanları təslim oldular.
Mənbə: "Fatimeyi-Zəhra (s,ə) xütbəsi" kitabı
Admin: 3
Redaktor: 4
Sayt nəzarətçisi: 7
VİP: 1
İstifadəçi: 6678
Bu gün: 0
