Bağışlayan və mehriban Allahın adı ilə
İki nəfərin beş günlük səfərə çıxdığını eşidən bir şəxs onlara nəsihət edib özləri ilə azuqə götürməklərini deyir. Başqa bir şəxs isə əksinə olaraq onların getdikləri yerin bolluq olduğunu xəbər verir. Yoldaşın biri özü ilə yol azuqəsi götürür, o biri isə götürmür. Gəlib yetişirlər gedəcəyi yerə, o yerdə də həqiqətən bolluqdur. Bu bolluğu müşahidə etdikdən sonra azuqə götürən şəxsə deməyəcək ki, niyə azuqəni özünlə gətiribsən. Amma gəldikləri yer səhralıq olsa, azuqə götürməyən şəxsdən sual olunacaq ki, niyə və nə üçün azuqə götürməmisən?
Loğmanın oğluna etdiyi nəsihətlərindən birində belə buyurub:
Ay oğul! Onu bil ki, ağılsız, axmaq adama hikmətli sözü, nəsihəti qəbul etmək hər bir şeydən ağır gələr.
Ay oğul! Qoca adamın uca dağa çıxması çətin, ağır olduğu kimi ağılsız adama da nəsihəti qəbul etmək ağır gələr.
Mənbə: "Hikmətli nəsihətlər'' kitabı