Təcvid sözü lüğətdə gözəlləşdirmə,yaxşılaşdırmaq mənasındadır.Təcvid elminin tərifi belədir.
Hərflərin sifət və ehkamına riayət etməklə onların öz məxrəclərindən düzgün tələffüz edilməsi.
Bu tərifə əsasən Təcvid elmi əsasən 3 bölümdən ibarətdir.
1.Hərflərin məxrəci ilə tanışlıq.
2.Hərflərin sifəti ilə tanışlıq.
3.Hərflərin ehkamı ilə tanışlıq.
Hərfləri tələffüz edərkən onların əmələ gəldiyi və xaric olduğu yer "məxrəc" adlanır.
"Hərfin sifəti" dedikdə hərflərin söz tərkibində deyil,təklikdə əmələ gəlmə keyfiyyəti və öz məxrəcindən tələffüz edilmə qaydası nəzərdə tutulur.
"Hərfin ehkamı" dedikdə isə hərflərin söz tərkibindəki qaydaları,yəni,yanaşı düşdüyü hərflərə və qəbul etdiyi hərəkələrə əsasən meydana çıxan qaydaları nəzərdə tutulur.

Muzzəmmil surəsinin 4-cü ayəsində buyurulur."Quranı tərtil ilə,aram-aram oxu."
Tərtil-hərfləri öz məxrəcindən tələffüz etmək və vəqf yerlərinə riayət etməkdir.
 Təcvid elmində də hərflərin düzgün tələffüzü,onların sifət və ehkamı barədə məlumat verilir. Bu qaydalara riayət etməklə İlahi kəlam düzgün və gözəl şəkildə tilavət olunacaqdır.

Bunu da xatırladaq ki "Təcvid" qaydalarını tətbiq etmək üçün ilk öncə Quranı üzündən sərbəst oxumağı bacarmaq lazımdır.