Nigah haqqında

İmam Sadiq (ə) buyurur:"Evlənmək istəyən hər bir müsəlman iki rükət namaz qılıb bu duanı oxusun:

(Allahummə inni uriydu ən ətəzəvvəcə fəqəddərli minənnisai əəfəhunnə fərcən və əhfəzəhunnə li fi nəfsiha və mali və əvsəhunnə rizqən vəəəzəmə hunnə bərəkətən və qəddirli vələdən təyyibən təcələhu xələfən salihən fi həyati və bədə məvti).

Evlənmək üçün ən münasib ay şəvval ayıdır.Məsləhət görülməyən vaxtlar isə ilin çox isti günləri və əqrəb bürcünə düşən aylardır. Bu aylarda ailə quran şəxslər adətən boşanır və yaxud ömürlərini qan-qaraçılaqla başa vururlar. Günəş şuaları altında (açıq havada və ya günəş işığı düşən bağda) yaxınlıq etməyin. Bu yaxınlıqdan törənən uşaq, vaxtından tez dünyaya gələr və onun bədənində müxtəlif çatışmamazlıqlar olar.

Əli (ə) buyurur: "Cümə günü nigah edin və evlənmək əqdi oxunmazdan əvvəl bu xütbəni oxudun.”

Məsələn,İmam Məhəmməd Baqir (ə) Məmunun qazı ilə əqd bağlamazdan əvvəl bu xütbəni oxudu:

(Əlhəmdulillahi iqrarən binimətihi vəla ilahə illəllah ixlasən li vəhdaniyyətihi və səlləllahu əla səyyidi bəriyyətihi vəl əsfiyai min itrətihi əmma bədu fəqəd kanə min fəzlillahi ələl-ənam in əğnahum bil həlali anil-həram fəqalə subhanəhu və ənkihul-əyami minkum vəssalihinə min ibadikum və imaikum in yəkunu fuqəraə yuğni himullahu min fəzlihi vəllahu vasiun əlim).

Həzrəti Peyğəmbər (s) evlənmə mərasimində kiçik məclis qurub yemək verməyi tövsiyə edərdi.Peyğəmbər (s) həyat yoldaşı Məymunə ilə evləndiyi zaman hələs adlı yemək hazırlatdı və məclisdə iştirak edənlər doyunca yedilər. Hələs ərəb mətbəxinə aid bir yemək növüdür. Xurma, yağ, quyruq və ətdən hazırlanır.