Hər bir şəxsin şəxsiyyətini aradan aparan xüsusiyyətlərdən biridə çirkin nəfsinə tabe olmaqdır.

İmam Əli (ə) buyurub:Hər bir şəxs öz çirkin nəfsinə malik ola bilməzsə,öz ağlına da malik ola bilməz.
Çirkin şəhvətlə (dünyada mal-pula bel bağlamaqla) hikmət bir yerdə cəm olmaz.
"Həqiqətən, Allah Taala səni öz nəfsinə həkim qərar verib, xəstəliyinə, zərərli-ziyanlı xəstəlik törədici xəstəlikləri sənə nişan verərək tanıtdırdığı bir halda sağlamlığın, salamatçılığın nişanələrini də sənə təlim edib, şəfa verici dərmənlarını tapmaq üçün yol göstərib. Bütün bunları bilib, diqqət yetirib yerinə yetirdiyin işlərə fikir verərək baxgör öz səadətliyin, xoşbəxtliin üçün nəfsinlə necə rəftar edirsən."
Başqa yerdə həzrət belə buyurur: "Başqalarının namuslarına qarşı iffətli, həyalı olun ki, camaat da sizin namuslarınıza qarşı iffətli olsunlar." (loğman həkim", səh:176)

Allah Taala belə buyurur:"Çirkin nəfsin istəklərinə tabe olma, əks halda (çirkin nəfsinə itaət etmə, əgər itaət etsən) səni Allahın haqq olan yolundan uzaqlaşdırıb, düzgün olmayan yola tərəf aparar."
(Sad surəsi, 26 cı ayə)
Hz. Əli (ə) buyurub: "Hər bir şəxs öz çirkin nəfsinə itaət edərsə,onu bu əməl məhv edər." (Ğurərul hikəm, səh:613)

Hədsiz olsa əgər işrətə rəğbət,
Səni məhv eyləyər axırda şəhvət. (Sədi)

Hz Əli (ə) buyurur: "Cavan mərd, qeyrətli, dəyanətli şəxs heç bir vaxt zina etməz.
"Azad, sərbəst, başıuca adam o şəxsdir ki, şəriətin ziddinə olan çirkin şəhvətinin istəyini tərk edər." (Əl-hədis.1-ci cild, səh:95)
Yəni şəriətin qadağan etdiyi əməllərə meyli olan şəhvətinə qələbə çalan şəxs azad bir adamdır.

Nəfsin elə bir ağacdır, zəhərlidir hər barı,
Cəhənnəmdən gətirilmiş bil ki onun tumları.
Ondan qaçıb öz canını qurtar, əgər ağlın var,
Unutma ki, zəhərlidir verəcəyi bəhər-bar. (A.Bakıxanov)