Quranla ünsiyyət
Peyğəmbərin (s) əziz qızı Qurani-məcidlə sıx ünsiyyətdə idi. Salman deyir: "Peyğəmbər (s) məni iş ardınca Fatimənin evinə göndərdi. Bir qədər qapıda dayandım ki, salam verim. Xanım Fatimə (s.ə.) Quran oxuya-oxuya dəyirman daşı fırladırdı...”
Həzrət Zəhranın (s.ə.) vəqfləri
Həzrət Zəhranın (ə) yeddi bağı vardı. O bu bağları Bəni-Haşim və Bəni-Müttəllibə vəqf etdi. Seyyid Möhsin Əmin nəql edir: "Həzrət Zəhranın yeddi bağı vardı və bu bağları Bəni-Haşimlə Bəni-Müttəllibə vəqf etdi. Əlini (ə) onlara nəzarətçi qərar verdi. Əlidən (ə) sonra imam Həsən (ə), Həsəndən (ə) sonra imam Hüseyn (ə), beləcə ardıcıl şəkildə həmin vəqfə nəzarət etdilər.
Siqətul-İslam Kuleyni imam Sadiq (ə) və imam Baqirdən (ə) nəql edir: Fatimə yeddi bağ vəsiyyət etdi: Bu bağların adı: Əl-Əvan, Əl-Əddəlal, Əl-Bərqə, Əl-Müsəddəb, Əl-Hüsna, Əs-Safiyə, Malam İbrahin
Maddi çətinliklər qarşısında səbr
İmam Sadiq (ə) buyurur: "Bir gün həzrət Peyğəmbər (s) xanım Fatimənin evinə daxil oldu. Qızının əynində cod bir paltar vardı. Xanım əl dəyirmanı fırlada-fırlada övladına süd verirdi. Peyğəmbər (s) xanımın bu vəziyyətini görüb kövrəldi. Buyurdu: "Əziz qızım! Dünya çətinliklərinə döz ki, axirət şirinliyinə çatasan.” Fatimə dedi: "Ya Rəsuləllah, nemətlərinə görə Allaha şükr edirəm. Şükr edirəm kəramətlərinə xatir!” Bu vaxt ayə nazil oldu: "Rəbbin tezliklə razı qalasan deyə, sənə bəxşiş verəcək.”