Hədis 351: Həzrət Əli (ə) buyurur: "Bir işə başlamazdan öncə məsləhət et, addım atmazdan qabaq düşün.”
* * *
Hədis 352: Həzrət Əli (ə) buyurur: "Büdrəmə və peşmanlıqdan amanda qalmaq üçün ağıl sahibləri ilə məsləhətləş.”
* * *
Hədis 353: Həzrət Əli (ə) buyurur: "Xeyirxahların ən pisi etdiyi yaxşılığa görə minnət qoyan kəsdir.”
* * *
Hədis 354: Həzrət Əli (ə) buyurur: "Xalqın ən pisi başqalarında eyb axtarıb öz eybini görməyən kəsdir.”
* * *
Hədis 355: Həzrət Əli (ə) buyurur: "Xalqın ən pisi başqalarının səhvini bağışlamayan və eyblərini örtməyən kəsdir.”
* * *
Hədis 356: İmam Baqir (ə) buyurur: "Başqalarının haqqında öz haqqınızda deyilməsini xoşladığınız sözləri danışın.”
* * *
Hədis 357: Həzrət Əli (ə) buyurur: "Allaha itaət haqqında düşünmək səni əmələ sövq edər.”
* * *
Hədis 358: Həzrət Əli (ə) buyurur: "Qeybəti dinləyən şəxs qeybət edənlə şərikdir.”
* * *
Hədis 359: Həzrət Əli (ə) buyurur: "Bir saatlıq zəlalət bir ömrün izzətindən ağırdır.”
* * *
Hədis 360: Həzrət Əli (ə) buyurur: "Böyüklərdən daha uzaq görən kiçiklər çoxdur.”
* * *
Hədis 361: Həzrət Əli (ə) buyurur: "Dini olmayan zahidlər çoxdur.”
* * *
Hədis 362: Həzrət Əli (ə) buyurur: "Göz korluğu bəsirət korluğundan yaxşıdır.”
* * *
Hədis 363: Həzrət Əli (ə) buyurur: "İşin savabı ona çəkilən əziyyət qədərdir.”
* * *
Hədis 364: Həzrət Əli (ə) buyurur: "İşi sonraya saxlamaq tənbəllik əlamətidir.”
* * *
Hədis 365: Həzrət Əli (ə) buyurur: "Gəncliyindən qocalmamış, sağlamlığından da xəstələnməmiş istifadə et.”
* * *
Hədis 366: Həzrət Əli (ə) buyurur: "Allah qorxusundan ağlamaqla günahlar yuyular.”
* * *
Hədis 367: Həzrət Məhəmməd (s) buyurur: "İbadətlərin ən fəzilətlisi dini anlamaqdır.”
* * *
Hədis 368: Həzrət Əli (ə) buyurur: "Əfv etmək vasitəsilə rəhmət nazil olar.”
* * *
Hədis 369: Həzrət Əli (ə) buyurur: "Xoş xasiyyət ruzini artırır.”
* * *
Hədis 370: Həzrət Əli (ə) buyurur: "Dua vasitəsi ilə bəla aradan qalxar.”
* * *
Hədis 371: Həzrət Əli (ə) buyurur: "İzzət istəyirsənsə, onu Allaha itaətdə axtar.”
* * *
Hədis 372: Həzrət Məhəmməd (s) buyurur: "Var-dövlətinə yox, ömrünə xəsis ol.”
* * *
Hədis 373: Həzrət Əli (ə) buyurur: "İşə başlamazdan qabaq məsləhət et.”
* * *
Hədis 374: Həzrət Əli (ə) buyurur: "Dalaşanda barışığa yer qoy.”
* * *
Hədis 375: Həzrət Əli (ə) buyurur: "Şərəf var-dövlət və əsil-nəsəbdə yox, ağıl və ədəbdədir.”
* * *
Hədis 376: Həzrət Əli (ə) buyurur: "Həqiqətən, insanların dünya və axirətdə ağaları səxavətli insanlardır.”
* * *
Hədis 377: Həzrət Əli (ə) buyurur: "Dünya elə bir tələdir ki, oraya onu tanımayanlar düşər.”
* * *
Hədis 378: Həzrət Əli (ə) buyurur: "Uzaqgörənlik odur ki, Allaha itaət, nəfsə qarşı isə itaətsizlik edilsin.”
* * *
Hədis 379: Həzrət Əli (ə) buyurur: "Həqiqətən, sən axirət üçün yaradılmısan, onun üçün də çalış.”
* * *
Hədis 380: Həzrət Əli (ə) buyurur: "Həqiqətən, dünyadan üz döndərsən, dünya sənə üz tutacaqdır.”
* * *
Hədis 381: Həzrət Əli (ə) buyurur: "Həqiqətən, dünyaya üz tutsan, o səndən üz döndərəcək.”
* * *
Hədis
382: Həzrət Əli (ə) buyurur: "Həqiqətən, sənin düşüncən bütün işləri
əhatə etmək gücündə deyildir, belə isə, onu mühüm işlər üçün saxla.”
* * *
Hədis 383: Həzrət Əli (ə) buyurur: "Həqiqətən, bu gün hesab yox, əməl, sabah isə əməl yox, hesab günüdür.”
* * *
Hədis 384: Həzrət Əli (ə) buyurur: "Həqiqətən, ən fəzilətli cihad insanın öz nəfsi ilə olan cihadıdır.”
* * *
Hədis 385: Həzrət Əli (ə) buyurur: "Mö`min üçün ən qiymətli hədiyyə ölümdür.”
* * *
Hədis 386: Həzrət Əli (ə) buyurur:
"Yaxşılıqların ən yaxşısı bizimlə (Əhli-beyt ilə) dostluq, günahların
ən pisi isə bizimlə düşmənçilikdir.”
* * *
Hədis 387: Həzrət Əli (ə) buyurur: "Allahı ən yaxşı tanıyan kəs Ondan daha çox istəyəndir.”
* * *
Hədis 388: Həzrət Əli (ə) buyurur: "İnsanların ən ağıllısı öz eybini görüb, başqalarının eybinə kor olan kəsdir.”
* * *
Hədis 389: Həzrət Məhəmməd (s) buyurur: "Xoş o kəsin halına ki, müsəlmandır və dolanışığı ehtiyacı qədərdir.”
* * *
Hədis 390: Həzrət Məhəmməd (s)
buyurur: "Bir-birinizlə rastlaşanda salam və əl verməklə görüşün.
Bir-birinizdən bağışlanma istəyi ilə ayrılın.”
* * *
Hədis 391: Həzrət Məhəmməd (s) buyurur: "Qohumların əlaqəni kəssə də, sən əlaqəni kəsmə.”
* * *
Hədis 392: Həzrət Məhəmməd (s) buyurur: "Qeybət insanın imanına cüzamın bədənə göstərdiyindən daha tez tə`sir göstərər.”
* * *
Hədis 393: Həzrət Əli (ə) buyurur: "Dua mö`minin qalxanıdır. Hansı qapını çox döyürsənsə, üzünə açılar.”
* * *
Hədis 394: İmam Zeynəlabidin (ə) buyurur: "Bütün xeyirləri, xalqın əlində olana göz dikməməkdə gördüm.”
* * *
Hədis 395: İmam Baqir (ə) buyurur: "Allahın verdiyi ruziyə qənaət edən kəs ən ehtiyacsız adamdır.”
* * *
Hədis 396: İmam Baqir (ə) buyurur: "Mö`min mö`minin yetmiş böyük (kəbirə) günahını örtməyə borcludur.”
* * *
Hədis 397: Həzrət Əli (ə) buyurur: "Hər kəs nəfsində cürbəcür yeməklər sevgisi əksə, cürbəcür xəstəliklər meyvəsi dərəcəkdir.”
* * *
Hədis 398: İmam Baqir (ə) buyurur: "And olsun Allaha ki, O, Öz dərgahına israrla əl açanların istəyini verər.”
* * *
Hədis 399: İmam Sadiq (ə) buyurur: "Yanına gəlmiş mö`min qardaşını əziz tutub, hörmət edən kəs Allahı əziz tutmuşdur.”
* * *
Hədis 400: İmam Sadiq (ə) buyurur: "Mənim üçün iki nəfəri barışdırmaq iki qızıl sikkə sədəqə verməkdən daha üstündür.”
Admin: 3
Redaktor: 4
Sayt nəzarətçisi: 7
VİP: 1
İstifadəçi: 6704
Bu gün: 0
