Düşmən Malik Əştərin Hz Əli (ə) üçün nə qədər mühüm olduğunu bildiyi üçün Siffeyn döyüşündə Maliklə döyüşməyə bir neçə nəfər qüvvətli döyüşçü hazırlamışdı. Bilirdilər ki, Maliksiz Əliyə (ə) çox ağır olacaq. Malik Əştər həmin döyüşçülərin bir neçəsinə qalib gəldikdən sonra düşmən axıra saxladıqları pəhləvanı onun üzərinə göndərir. Əli (ə) həmin adamın çox güclü olduğunu və Malikin ona qalib gələ bilməyəcəyini bildiyindən əmr edir ki, Maliki onun yanına çağırsınlar. Malik Həzrətin (ə) yanına gəldikdə Həzrət (ə) ondan yaraq-əsləhəsini və dəbilqəsini alıb geyinir və döyüş meydanına özü yollanır. Başda Müaviyyə və Əmr As olmaqla bütün qoşun Malikin məğlubiyyətini gözləyirdilər. Amma döyüş başlayar başlamaz qurban olduğum Əli(ə) bir zərbəyə düşməni Cəhənnəmə göndərir. Bunu görən Əmr As Müaviyyəyə deyir ki, bu Malik deyil Əlidir. Müaviyyə deyir sübut et Əmr As deyir əmr et qoşun ona hücum etsin. Əgər geri çəkilsə, bil ki Malikdir. Yox əgər qoşuna cumsa, bil ki Əlidir. Müaviyyə əmr edir ki, qoşun həmin adama hücum etsin. Qoşun onun üzərinə hücuma keçdikdə Əli (ə) qoşunla
döyüşə başlayır və özünün öz məşhur sözünü buyurur:
"Əgər ərəb dörd bir tərəfimi də mühasirəyə alsa da ona arxa çevirmərəm".
|
Mətndə qramatik səhv var? Onu siçan ilə seçin və
"Ctrl+Enter" düyməsini sıxın (Savab qazanmağa çalışın) |
Bilgilendirme
Yorum Ekleyebilmeniz için Sitemize Kayıt Olmanız Gerekmektedir.