Fatimə Nuri Xuda 23 Ocak 2014 Xəbərləri: 3173 Şərhləri: 33 |
Admin 31 Ekim 2013 Xəbərləri: 2851 Şərhləri: 1509 |
Huseynci Medine 2 Mart 2014 Xəbərləri: 2055 Şərhləri: 2384 |
Yusifi Zehra 26 Aralık 2013 Xəbərləri: 1922 Şərhləri: 1689 |
Elya 20 Haziran 2014 Xəbərləri: 1380 Şərhləri: 2771 |
RuQeYyA 27 Ocak 2014 Xəbərləri: 783 Şərhləri: 3846 |
Aşiqi Rüqəyya 2 Mayıs 2015 Xəbərləri: 490 Şərhləri: 495 |
Ewqi_Kerbela 9 Mart 2014 Xəbərləri: 458 Şərhləri: 734 |
Sirli_melek 19 Aralık 2013 Xəbərləri: 367 Şərhləri: 3921 |
« Mayıs 2024 » | ||||||
---|---|---|---|---|---|---|
Pt | Sa | Ça | Pr | Cu | Ct | Pz |
1 | 2 | 3 | 4 | 5 | ||
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 |
Yapon sərkərdəsi Nobunaqa döyüşlərdə necə qalib gəlirdi?
Nobunaqa adlı böyük yapon sərkərdəsi döyüşlərin birində say etibarı ilə özlərindən on dəfə çox olan ordu ilə qarşılaşır.O, döyüşdə qələbəyə inanırdı, lakin əsgərlərinin gözündə qorxu görürdü.Bu qorxu qəlblərində qələbə qazanacaqlarına şəkk yaratmışdı.Düşmən üzərinə hərəkət edən zaman yarı yolda müqəddəs bir məkanda dayandı və öz əsgərlərinə belə xitab etdi:
-Mən indi bu müqəddəs məkana daxil olub Allaha dua edəcəyəm, oradan gəldikdən sonra isə qəpik pulu göyə tullayacağam.Əgər şəkil olan tərəfi düşsə,biz qələbə qazanacağıq,yazı olan tərəfi düşsə,məğlubiyyətlə üzləşəcəyik.Biz taleyin əlindəyik.
Nobunaqa müqəddəs məkana daxil olur,bir müddət aramca dua edir.Bu ibadətgaha ordu böyük inam bəsləyirdi.Sərkərdə oradan çıxandan sonra pulu göyə tullayır.Pul şəkil olan tərəfi üstdə düşür.Əsgərlər bunu görən kimi böyük sevincə qərq olurlar.Şəkləri yəqinə çevrilir.Nobunaqanın əsgərləri döyüşə vəhşi bir şir kimi daxil olurlar və nəticədə qələbə əldə edirlər.Döyüşdən sonra Nobunaqanın xidmətçisi ona “həqiqətən də, taleyi heç nə dəyişə bilməz, müqəddəs məkanda bizə xəbər verildiyi kimi oldu” –deyir.
Nobunaqa gülərək “bəli, həqiqətən də, taleyi heç nə dəyişə bilməz”, -deyərək ona hər iki tərəfində şəkil olan pulu göstərir.
İnam və yəqin “arxadakı körpülərin yandırılması”, “geri dönüş yoxdur və ancaq irəli” düşüncəsini aşılayır.Şəkk-şübhə isə “alınmasa qayıdaram”, “çətin olsa,geriyə” anlamına gəlir.Müvəffəqiyyətə inam ən böyük motivasiyalardandır.İnsan üçün nə qədər güclü stimullar olsa da, uğura inamı olmadığı halda fəaliyyətə keçməyəcəkdir.Ayağı kəsik əlil üçün gəzmək hər nə qədər cazibədar görünsə də, bunun üçün kifayət qədər stimullara malik olsa da belə,bunlar onu hərəkətə və gəzmək üçün fəaliyyətə vadar etməyəcəkdir.Əlil bu işin onun üçün qeyri-mümkün olduğunu bilir, gəzə biləcəyinə yəqini yoxdur.İnam- gələcəyi hər iki tərəfə dəyişə bilən batini bir qüvvədir.Bu qüvvə haradan qaynaqlanmasından asılı olmayaraq insanı daim təravətli tutur, həyat çətinliklərindən alınmış yaraları tez bir zamanda sağaldır.
Bəzən dostlarımızı təşviq etmək üçün onların müvəffəq olacaqlarına şəkkimiz olsa da belə, “səndə mütləq alınacaq” kimi inam yaradıcı sözlərlə təşviq etməyimiz lazımdır.Mən öz həyatımda dəfələrlə uğur əldə edəcəyinə yəqinim olmadığı insanları bu cür müsbət və inam yaradıcı sözlərlə motivasiya etmişəm və həqiqətən də, nəticəsi möcüzəvi olub.Bircə şəkk yaradıcı söz kifayət ola bilərdi ki, həmin insan işindən əl çəksin.Fəqət etmək istədiyi işin inkişaf və tərəqqiyə səbəb olacağından onu irəliyə doğru səsləmiş,inam verərək, mütləq uğur əldə edəcəyini aşılamışam.Nəticə isə gözlənilməz və heyranedici olub.Şərqşünaslıq və teologiya sahəsində təhsil aldığım ilk illərdə ərəb ədəbiyyatının “nəhv” bölməsində “Əvamilin şərhi” kitabını bizə dərslik kimi qoymuşdular. ”Əvamilin şərhi” “nəhv” elmində oxuduğum ilk mühüm dərslik kitabı idi.Bu kitabı bir semestr ərzində bitirməli idik.Sinifdə, demək olar ki, bütün tələbələr məndən əvvəl klassik ərəb ədəbiyyatı sahəsində dərs almışdılar.O səbəbdən də müəllimin dediyi sözləri asanlıqla dərk edirdilər.Müəllim də əksər uşaqların səviyyəsini nəzərə aldığından dərsi sürətlə, kiçik izahlar və bir neçə dərsi birdən keçməklə deyirdi.İlk dərsdən ürəyim sıxılmağa başladı, müəyyən narahatçılıqlar keçirirdim.Fikirləşirdim ki, çətin olan fənnin belə bir sürətlə keçilməsi, mümkündür ki, mənim üçün ağır olsun və çatdıra bilməyim.Ancaq öz-özümə “sehirli sözləri” inamla təkrarlamağa başladım.Bu sözlər həyatımda mənə stimul verən, motivasiya edən hədəflərimlə bağlı idi.Günümün əksər hissəsini bu elmə ayırmağa başladım, gecə yarısından keçənə qədər dərs oxuyur, mövzu ilə əlaqədar əlavə ədəbiyyat mütaliə edirdim.İlk sınaq imtahanında ən yüksək qiymət, semestr imtahanında da iyirmi bal topladım.Bu bal şagirdə verilən ən yüksək təhsil balı idi.Sonrakı illərdə də “nəhv” elmində hər dəfə ən maksimum balı toplayırdım.Bir müddət sonra, təhsilə mənimlə bir başlayan və bu sahədə daha çox biliyə malik olan tələbələr təhsil yolunda məndən geri qalmağa başladılar.Bütün bunlar uğura olan inam olmadan mümkün deyildi.Müvəffəq olmaq üçün ilk olaraq özümdə müvəffəqiyyətimə güclü inam yaratdım.Sonra da müxtəlif stimulverici amillərlə bu yolda çətin elmi maneələri aşmağa başladım.Nəticə özünü çox gözlətmədi.
Kitabın adı: Arxadakı Körpüləri Yandırın
Müəllif: Rövşən Abdullaoğlu
Mətndə qramatik səhv var? Onu siçan ilə seçin və "Ctrl+Enter" düyməsini sıxın (Savab qazanmağa çalışın) |