Başlanıb əza Hüseynə
Görsənib hilali-matəm, başlanıb əza Hüseynə,
Baş açıb Rəsuli-əkrəm, ağlar ənbiya Hüseynə.
Doldurub cahanı şivəni, masəva batıb məlalə,
Ovc edibdi taqə ərşi-fərşidən fəğan və nalə,
Əyləşib qübari-möhnət barigahi-zül-cəlalə,
Nohə fələkdən eyliyiblər bəzmi-qəm bina Hüseynə.
Baş açıb gəlib nəvaya bağıcənnət içrə Zəhra,
Həmsəda olub Bətulə Məryəm və Xədicə, Həvva,
Fərş olub bəsati-matəm, bəzmi-şəm olub mühəyya,
Ölməmiş əza tutublar şahi-Kərbəla Hüseynə.
Namələr yazıb bu ayda Kufiyani bi mürüvvət,
Etdilər şəhi hicazı dəşti-Kərbəlayə dəvət,
Bağlayıb rəhi-Fəratı qaldı təşnə Ali-ismət,
Babi-cövr və zülm açıldı sibti-Mustəfa Hüseynə.
Zülmilə əl üzdü Ovn və Fəzl və Cəfərindən,
Yadigari Müctəbadan mahi-parə Əkbərindən,
Dini-həqq yolunda keçdi şiri-xarə Əsğərindən,
Ağladı o gündə yeksər qovmi-əşqiya Hüseynə.
Kəsdilər susuz qəfadan vurdular başın cidayə,
Baş açıb anası cəddi gəldi dəşti-Kərbəlayə,
Va Hüseyn səsi ucaldı taqi-ərşi-kibriyayə,
Qətligahda oldu bərpa məclisi əza Hüseynə.